兵庫縣明石海峽大橋係連接神戶市同淡路島之間嘅大橋。作為世界上最長嘅吊橋，遊客只要穿越明石海峽大橋就可以到達淡路島，再一路前往通往四國德島。咪以為明石海峽大橋只係一條橋咁簡單，其實呢度有好多好玩嘅景點，包括攀登大橋主塔塔頂、漫遊海上步道，甚至可以喺海峽公園漫步！接落嚟，不如就一齊嚟體驗呢座跨海大橋嘅魅力啦～
明石海峽大橋：連接兵庫縣神戶市與淡路市嘅跨海大橋
經由明石海峽大橋，遊客唔單只可以前往淡路島，亦可以前往四國。明石海峽大橋係本州同四國之間三條跨海大橋嘅其中一條，同時身兼「神戶淡路鳴門自動車道」一職，係日本本州與四國最重要嘅交通橋樑。明石海峽大橋嘅落成後，本州同四國之間嘅往來交通時間得以大幅縮短，對於旅行、貨物運輸、旅遊等等都帶來各種方便與好處。
大橋點只用於運輸咁簡單，仲有無敵美景！
明石海峽大橋唔單只係交通重要道路，亦有好多有趣嘅旅遊景點。擁有美景嘅橋樑會於夜間點燈，為到場遊客上演季節各異嘅各種點燈顏色組合。
全世界最長懸索吊橋
獲健力士世界紀錄認可為全世界最長嘅懸索吊橋「明石海峽大橋」，全長3911米，中央跨度為1991米。現場有導覽團與多種設施畀你可以全方位體驗橋樑，強烈推薦！
舞子海上散步道
舞子海上散步道係一條架設於明石海峽大橋橋墩上嘅迴遊式散步道，全長317米、坐落喺海拔47米處、距離陸地150米高。遊客喺上面可以睇到腳下嘅海洋，震撼力滿分！1樓散步道嘅入口設有深入淺出介紹大橋嘅展覽；8樓展望大廳嘅展望相機系統，則可以體驗攀登300米高嘅主橋塔嘅感受，當然您仲可以喺展望廳內嘅海上餐廳品嘗美食、欣賞靚景啦～
景點資訊
- 名稱：舞子海上散步道
- 地址：神戶市垂水區東舞子町2051番地
- 交通：JR山陽本線（神戶線）「舞子」站、山陽電鐵「舞子公園」站下車、向南步行約5分鐘
明石海峽大橋世界級體驗之旅
你可以預約爬上300米高嘅橋主塔塔頂，鳥瞰本州同淡路島嘅壯麗景色。參與橋樑建設嘅人員將擔任導覽，解釋橋梁施工過程、技術同歷史等。從4月到11月期間嘅逢禮拜四至日與日本公眾假期，同場亦會舉辦攀登大橋嘅活動，分為早上、下午2場。活動需要事先預約，攀登大橋費用為成人3000日圓、中學生1500日圓。
施工過程
喺連接本州同四國之間嘅跨海橋樑建造之前，日本國民主要依靠船隻通行。然而，發生一次渡輪沈船事故後，當地就開始建造跨海橋樑。明石海峽大橋嘅主橋為鋼桁架結構，於1986年至1998年之間建造。建築時採用巧妙橋樑建造技術，令大橋得以喺明石海峽洶湧嘅海浪波濤中成功建成。
明石海峽大橋展示中心「橋之科學館」
前往明石海峽大橋展示中心，您可以了解到橋樑建造過程等相關資訊，其中仲有明石海峽大橋嘅模型；而透過「橋之科學館」展覽與互動體驗設施，亦可以了解橋樑建築中使用嘅最先進技術。
景點資訊
- 名稱：橋之科學館
- 地址：神戶市垂水區東舞子町4-114
- 交通：JR山陽本線（神戶線）「舞子」站、山陽電鐵「舞子公園」站下車、往靠海嘅方向步行約5分鐘
明石海峽大橋推薦靚景打卡地方
明石海峽大橋本身就有幾個絕佳嘅景點，但係舞子公園都非常推薦。搭JR電車好容易就可以到達，公園內綠地廣大，可以睇到美麗海景，仲有「舞子海上散步道」。 除咗日頭，夜晚都好靚，可以睇到點燈後嘅明石海峽大橋。
景點資訊
- 名稱：舞子公園
- 地址：神戶市垂水區東舞子町2051番地
- 交通：JR山陽本線（神戶線）「舞子」站、山陽電鐵「舞子公園」站下車、向南步行約5分鐘
Comments