「六甲山」範圍涵蓋兵庫縣東南部嘅神戶市區西邊到北邊。六甲山區域有纜車、展望台、溫泉、牧場等，有好多豐富嘅觀光景點。到六甲山睇夜景已經成為必去嘅行程。
觀光景點豐富嘅六甲山
可以將神戶區由上往下一覽無遺嘅「六甲山系」，係阪神地區具代表性嘅觀光地之一，亦具備多種特色。六甲山係指由東向西橫跨神戶市、西宮市、寶塚市嘅山巒。
於大自然中悠閒散步
六甲山有好多獨具魅力嘅設施與景點，神戶市立六甲山牧場與六甲花園露台、六甲高山植物園、神戶市立步引香草園等。特別係六甲花園露台內嘅新景點「六甲枝垂 自然體感展望台」，深受大部分訪日旅客喜愛。而且仲會舉辦使用LED照明呈現六甲山四季嘅光之活動。另外，嚟到植物園，可以欣賞到全世界高山帶所綻放嘅1500種唔同季節嘅植物，喺呢度嘅Café，可以喺樹木植物包圍中嘅露台享用午餐，有機會一定要嚟試下啦。
賞夜景嘅知名景點
六甲山除咗係神戶市與阪神地區嘅地標之外，亦係欣賞夜景嘅知名景點。從麻耶山眺望嘅夜景，名列日本三大夜景之一，嚟呢度可以欣賞到光芒閃爍嘅神戶美麗景色。而山頂上亦設置咗多處嘅展望台，當中小編特別推薦從六甲山系摩耶山嘅掬星台俯瞰嘅景色！
乘搭六甲纜車 前往展望台欣賞壯觀美景
「六甲纜車」係銜接神戶市區與六甲山嘅纜車，亦通往六甲山嘅玄關，從六甲山纜車站到六甲山頂約1.7公里，最高與最低嘅高度差493.3米，車程約10分鐘。由上山嘅「經典型」以及下山嘅「懷舊復古型」，兩種觀覽型車廂組成行駛。1932年開通嘅六甲纜車，目前車廂已嚟到第3代。「經典型」為紅色配搭綠色，座位與車廂地板使用天然木材，屋頂係成片嘅玻璃窗，呈現可以盡情體會六甲大自然嘅設計。「懷舊復古型」座位採用天鵝絨材質，地板鋪上地毯，內庄飄散出令人感到沉穩嘅氛圍。六甲山上站附近有展望台可以欣賞從神戶到大阪嘅美麗景色。乘搭纜車嘅來回費用，成人為1,000円，兒童為500円。
景點資訊
- 景點名稱：六甲纜車
- 地址：兵庫縣神戶市灘區高羽字西山8-2(六甲下站)；
兵庫縣神戶市灘區六甲山町一谷1-32(六甲山上站‧六甲山上巴士) - 交通方式：JR「六甲道」站落車後，乘搭神戶市巴士約15-30分鐘喺「六甲纜車下」站落車
成分豐富且歷史悠久嘅有馬溫泉
「有馬溫泉」係日本歷史悠久溫泉中嘅知名溫泉之一。溫泉中含有多種成分，喺世界上相當罕見，分成金泉同銀泉2種泉質，具有各種功效，位於六甲山北邊，同南邊現代化嘅街道形成對比，係可以悠閒度過別具風情嘅溫泉街。喺六甲山大自然包圍下嘅有馬溫泉，春天櫻花、夏天蔥綠、秋天紅葉、冬天白雪，四季可以欣賞到唔同嘅變化。溫泉街上酒店與餐飲店等林立，相當熱鬧。浸喺歷史悠久嘅溫泉內藉此舒緩旅途嘅疲憊，都係個唔錯嘅選擇吖！
景點資訊
- 景點名稱：有馬溫泉
- 地址：兵庫縣神戶市北區有馬町
- 交通方式：從三宮巴士總站乘搭高速巴士JR有馬特快號約30分鐘，喺有馬溫泉站落車
安藤忠雄經手 「風之教會」飄散嚴肅氣氛
六甲山上嘅「風之教會」於1986年完工，係由日本代表性嘅建築家「安藤忠雄」參與設計嘅教會。保有混凝土原有嘅質感，係安藤特有嘅建築手法。教會嘅特徵在於走廊兩側都裝設磨砂玻璃，從天而降嘅陽光透過玻璃照入室內，呈現自然柔和嘅光線。寬2.7米、長40米嘅走廊另一端，就係教堂。一打開教堂大門，大片嘅窗戶可睇到整片綠意，簡單嘅十字架亦營造出嚴肅氣氛。
景點資訊
- 景點名稱：風之教會(關閉中)
- 地址：兵庫縣神戶市灘區六甲山町西谷山1878-78
- 交通方式：從六甲纜車「六甲纜車山上」站約20分鐘
Comments