「神戶HARBORLAND」坐落於神戶站同元町站步行可到達嘅範圍內，係購物、美食、娛樂設施、酒店等集結嘅街道。呢度有地下街、時尚店鋪同餐廳進駐嘅複合商業設施。更有摩天輪同遊艇巡遊等，因此吸引好多觀光客而顯得熱鬧非凡。嚟呢條相當美麗嘅街道散步，可以話係一個唔錯嘅選擇！
氣氛絕佳嘅港區 神戶HARBORLAND
時尚流行聚集嘅購物景點
「神戶HARBORLAND」有購物、美食、戲院同娛樂設施等大型複合設施，係神戶數一數二嘅購物地區。坐落喺兵庫縣神戶市中央區嘅再開發地區，位於神戶中央市中心嘅西邊。呢度嘅免稅店亦逐漸增加，有時間務必過嚟睇一睇！
觀光與夜景皆不容錯過
「神戶HARBORLAND」到咗晚上夜景相當美麗，點燈嘅摩天輪同紅磚倉庫非常有氣氛，因而成為相當受歡迎嘅景點。郵輪航遊「浪漫協奏曲號」靠岸嘅高濱岸壁，可以一邊享受海風吹拂一邊散步。「神戶HARBORLAND」附近有好多具神戶代表性嘅景點，例如美利堅公園以及具有歷史嘅商店街等，係一個可以盡情享受各式風情嘅區域，而且步行即可抵達，非常方便。
景點資訊
- 景點名稱：神戶HARBORLAND
- 地址：兵庫縣神戶市中央區東川崎町1丁目
- 交通方式：JR神戶線「神戶」站隔離
「神戶HARBORLAND」附近嘅酒店2選
HOTEL LA SUITE KOBE HARBORLAND享受一流品質服務
「HOTEL LA SUITE KOBE HARBORLAND」位於神戶HARBORLAND嘅濱水區，地理位置可以眺望海景，係一個可以享受度假區氣氛嘅酒店。外觀環境以及內部裝潢優雅，提供一流品質服務。客房空間寬敞，仲提供按摩浴缸。酒店內嘅餐廳可以品嚐到正統法式料理，使用兵庫嚴選食材，以及提供高等神戶牛嘅鐵板燒。欣賞神戶夜景度過一段優雅時光係唔係都係一種唔錯嘅選擇呢？
酒店資訊
- 酒店名稱：HOTEL LA SUITE KOBE HARBORLAND
- 地址：兵庫縣神戶市中央區波止場町7-2
- 交通方式：神戶市營地下鐵海岸線「港元町」站步行約4分鐘
觀光地理位置絕佳 神戶皇冠酒店 (Hotel Crown Palais Kobe)
「神戶皇冠酒店」地理位置相當方便，從JR神戶站、高速神戶站、地下鐵海岸線海港園地站行地下街可以直通酒店。客房舒適，可以眺望六甲山群與港區，更有豐富嘅餐廳選擇同SPA，可以喺各式各樣嘅設施悠閒舒適咁度過。由於地理位置喺車站前，非常推薦觀光或出差嗰陣嚟呢度住宿，特別適合前往「神戶HARBORLAND」附近觀光。客房內提供Wi-Fi，更準備舒適嘅床鋪。酒店內空間寬敞嘅SPA設施，俾人一種沉穩嘅感覺，女性用浴場內設置長21米嘅大型浴池，可以舒緩旅途累積落嚟嘅疲勞。用餐方面，酒店內嘅餐廳提供中式料理同鐵板燒等。
酒店資訊
- 酒店名稱：神戶皇冠酒店 (Hotel Crown Palais Kobe)
- 地址：兵庫縣神戶市中央區東川崎町1-3-5
- 交通方式：從JR神戶站、高速神戶站、地下鐵海岸線海港園地站行地下街，步行約2分鐘
各式各樣餐廳HARBORLAND通通食得到
「神戶HARBORLAND」從氣氛滿滿嘅餐廳到適合家庭嘅食到飽自助式餐廳，仲有美食街，含有各式各樣嘅料理。一於嚟呢度揀選一間自己鐘意嘅餐廳好好享受一下。另外，仲有可以喺船上享用料理嘅豪華美食遊輪―浪漫協奏曲號，從HARBORLAND出發，喺船上一邊欣賞被山海包圍嘅神戶景色一邊享用午餐或晚餐航遊。餐點有法式套餐同埋鐵板燒套餐等，喺船上廚房直接料理，可以享受熱辣辣啱啱新鮮出爐嘅美味。鐵板燒嘅餐廳則係由主廚喺你眼前製作料理。可以欣賞到主廚喺鐵板上華麗嘅製作過程，並享用高品質肉類料理嘅美味。用餐與風景再加上現場演奏嘅航程，將會成為你難忘嘅回憶。
店鋪資訊
- 店鋪名稱：浪漫協奏曲號
- 地址：兵庫縣神戶市中央區東川崎町1-6-1
- 交通方式：JR「神戶」站/神戶市營地下鐵「海港園地」站徒步約10分鐘
Comments