「Merry Christmas!」東京迪士尼度假區®已經喺11月8日（四）起到12月25日（二）展開一共48日嘅聖誕節特別活動「迪士尼聖誕節」。配上35週年慶「Happiest Celebration!」，令東京迪士尼度假區®更添歡樂氣息！今次呢篇就要向大家介紹今年東京迪士尼海洋®專為聖誕節推出嘅表演節目！！
現場歌舞匯演「聖誕喜來臨！」
坐落喺園區中央嘅地中海港灣，米奇老鼠將同一班迪士尼明星為大家帶嚟華麗無比嘅現場歌舞匯演。身穿色彩繽紛服裝嘅舞者，將隨住現場演唱經典聖誕組曲登場，地中海灣頓時成為戶外嘅歌舞匯演劇場。
隨住歌手現場演唱嘅聖誕歌曲中，米奇老鼠同米妮老鼠身穿特別嘅白色服裝登場。
Chip＆Dale同Clarice一齊跳排舞。
唐老鴨，黛絲同舞者一齊跳起康康舞。
一眾舞者配合節奏跳出輕快活潑嘅踢踏舞等等，讓你欣賞一場視覺同聽覺嘅頂級盛宴。
喺表演嗰陣，聖誕老人、Duffy同一眾好友都會搭船出現，好難得可以睇到Duffy同米奇老鼠同台表演！
表演接近尾聲嗰陣，仲會施放特效煙花，為成個娛樂表演劃下完美嘅句點！
歌舞匯演每日2場，時間大約25分鐘，透過悅耳動聽嘅聖誕樂曲，欣賞美麗四射嘅歌舞演出，係東京迪士尼海洋®僅有嘅聖誕時光！
夜空下嘅水上娛樂表演「絢彩聖誕」
當夜幕壟罩東京迪士尼海洋®園區嗰陣，喺地中海港灣上演嘅光彩繽紛水上娛樂表演。高約15米嘅大型聖誕樹亮起彩燈，米奇老鼠等迪士尼明星都會乘搭掛滿璀璨聖誕裝飾嘅船隻登場，令園區嘅美景浪漫升級！
「絢彩聖誕」每日晚間上演1場，時間大約15分鐘。
Comments