海瀨。大家都知係乜嚟掛。喺肚上面將貝殼切割，有時候惹人發笑，有時惹人憐愛，一直都因為可愛而備受愛戴嘅嗰隻小動物。
同海瀨有深深聯繫嘅三重縣出名嘅觀光勝地 鳥羽水族館。等我哋就嚟介紹一下今時今日，被稱為「海瀨聖地」都不以為過嘅地方啦。
不斷有少子高齡化問題嘅海瀨們。
喺日本嘅水族館，有幾多隻海瀨你又知唔知呢？
其實，凈返8隻咋。
令人感到寂寞嘅係，喺呢幾年，喺日本國內可以見到嘅海瀨，以及可以見到海瀨嘅水族館同動物園嘅數量越來越少。
而最近離世嘅就係本來生活喺呢間烏羽水旅館嘅Roizu(ロイズ), 真係好事出突然呀!
海瀨嘅世界同人類一樣都面臨少子高齡化問題。繁殖往往唔係好順利，高齡海瀨不斷喺度增加。
而其中8隻入面有1隻喺鳥羽水族館。佢就係Mei(メイ)喇。
鳥羽水族館入面，有122 隻海瀨居住喺度，喺1980年代捲起咗海瀨風潮。
由鳥羽水族館捲起嘅海瀨風潮而名留青史
喺鳥羽水族館影紀念照片嘅壁畫前面，有隻環抱著相機嘅海瀨。
唔係凈係得佢，喺鳥羽水族館嘅周圍，仲擺設咗同樣嘅海瀨抱著各式各樣嘅嘢。例如有抱住軟雪糕或者係館內資訊看板等等。
喺1983年，有4隻海瀨從阿拉斯加州運咗嚟鳥羽水族館。
而家海瀨鼎鼎大名，但當時大家其實仲未知道呢種生物叫「海瀨」。
輕輕浮上水面，轉圈圈，拼命理毛。初次見面就被海瀨可愛嘅姿態俘虜咗嘅人有好多，吸引咗一大班人嚟到鳥羽水族館為求見海瀨一面。年間高達近200萬人到訪鳥羽。
但係由嗰陣到而家只係過咗35年。如果水族館D海瀨無曬，大家又會再次忘記海瀨嘅存在・・・一諗到咁就好寂寞啊。
除咗相機支架變成咗電話檯，喺鳥羽水族館嘅附近，郵筒上面都有海瀨，行路時唔覺意咁望吓地板，又搵到一隻啦！喺鳥羽水族館入面同出面都可以成日見到海瀨，唔知道可以發現到幾多隻呢？去到鳥羽，發掘一吓總共有幾多隻海瀨都係一種樂趣!
既可愛又靈活嘅Mei
而家仲喺鳥羽水族館住緊嘅海瀨叫做Mei, 本來佢有個朋友仔Roizu陪住佢, 但好可惜喺2018年10月31號去咗「天國」。當時可以透過毛色咁分辨到佢哋，睇落去好似銀色嘅淺灰色海瀨係雌性嘅Mei。而威風凜凜嘅深黑色海瀨係雄性嘅Roizu。幾年前，由東京嘅Sunshine水族館運過嚟嘅Roizu重返咗鳥羽水族館，曾經佢哋係喺同一個水槽入面共同生活嘅好朋友。
雖然Roizu已經唔在世, 但之前水族館為咗同訪客介紹佢哋, 會喺簡介上寫Mei係「身體細小，一直都好活潑。最鐘意整蠱人嘅頑皮小妹妹」，而Roizu則係「身體最黑最大，最鐘意整蠱人非常百厭貪食嘅小夥子」。兩隻都「好鐘意整蠱人」（笑）
游吓水，梳吓毛，有時浮上水面靜靜咁瞓覺。兩隻海瀨古靈精怪, 盡顯豐富多彩嘅表情。而到咗餵食時間，就更大展身手, 表演俗稱「魷魚跳」嘅把戲，係指跳上去將貼住喺水槽玻璃窗嘅魷魚捉落嚟, 配合同飼育員「Se Se Se no Yoi Yoi Yoi (セッセセーのヨイヨイヨイ)」嘅高速拍掌遊戲。而重點係會攤開手板擺好「俾我啦 (ちょーだい)」嘅手勢，接走飼育員嘅飼料，儀態優雅非常得意！肯定好多人都會被佢吸引到神魂顛倒啦。有興趣嘅話, 唔好淨係睇社交網路上嘅相同影片啦, 快啲去鳥羽水族館睇Mei咁可愛嘅一面啦！
Hakase (ハカセ)
愛知縣海部市出身。平時作為廣告創意人，城市建設同講師活動。畢生事業係發揚海獺嘅魅力。大愛鳥羽水族館。擅長種類：城市建設，工作，學習，海獺。
OTONAMIE http://otonamie.jp/
*此網頁配備Google Translate功能。
Comments