雖然小樽嘅冬天非常寒冷，但仍然充滿活力。無論如何，即使喺嚴寒嘅環境中，都可以享受各種活動。另外唔好忘記，小樽有北海道最好食嘅芝士蛋糕。
冬天嘅小樽可以做嘅事情
小樽嘅冬天非常寒冷，平均溫度為0度或以下，到處覆蓋著厚厚嘅積雪。大家可能會諗，咁寒冷仲可以做啲咩呢。冬天前往小樽，要準備防寒衣物、防滑嘅鞋，以避免喺濕滑嘅雪地上滑低。冬季係欣賞小樽之美嘅最佳時期之一。 小樽當地居民習慣咗寒冷氣候，無論點低溫，店家都會照常營業。
以下係小樽冬季旅遊推薦嘅景點：
小樽運河
小樽最著名嘅地標之一：小樽運河，曾經係呢個城市最繁忙嘅港口之一。但喺20世紀下半葉後，已經唔似以前咁繁榮。後來，運河經過精心整修，而家成為遊客漫步嘅好地方，以前嘅倉庫變成咗旅遊景點，再度利用作為博物館、商店同餐廳。
相關資訊
- 名稱: 小樽運河
- 地址: 北海道小樽市港町5
- 交通方式: JR小樽站步行10分鐘
於「堺町通り商店街」購買紀念品
小樽運河右邊以南約100m，為堺町通り商店街。過去呢個地方係商人、航運同貿易公司嘅聚集地，佢哋喺呢度建立辦公室同開展業務。呢啲西式建築保留至今，被改建成Café、博物館、紀念品商店等等。
相關資訊
- 名稱: 堺町
- 地址: 北海道小樽市
- 交通方式:
- JR小樽站步行12分鐘
- JR南小樽站步行8分鐘
尋找雪人
有時候，當地一啲商店會展現創意，運用厚厚嘅積雪嚟堆雪人，希望吸引更多潛在顧客嘅目光。有時候佢哋仲會將雪堆成「招財貓」造型，非常可愛。嚟到呢度，可以試下尋找各式各樣嘅雪人！
博物館以及展覽
於堺町同小樽運河周邊有好多博物館。如果鐘意睇展覽就啱唒啦。 其中有啲博物館仲可以俾你體驗一下親手製作玻璃器皿。以下係推薦嘅博物館：
相關資訊
- 名稱: 小樽音樂盒博物館本館
- 地址: 北海道小樽市住吉町4-1
- 交通方式: JR南小樽站下站後步行5分鐘左右即可抵達
- 名稱: 北一硝子
- 地址: 北海道小樽市堺町7-26
- 交通方式: 由JR「南小樽」站步行約10分鍾即可抵達
- 名稱: 日本銀行舊小樽支店金融資料館
- 地址: 北海道小樽市色内1-11-16
- 交通方式: 從JR函館本線小樽站步行10分鐘
大啖北海道芝士蛋糕
行到攰啦？咁去北海道美味嘅芝士蛋糕店休息一下啦。小樽有一間著名甜點店叫做LeTAO。LeTaO喺小樽、札幌同千歲都有分店。一於嚟小樽本店行下，品嚐特色甜點。
相關資訊
- 名稱: LeTAO 小樽本店
- 地址: 北海道小樽市堺町7番16号
- 交通方式: JR函館本線「南小樽」站步行5分鐘
小樽雪燈祭
札幌有札幌冬季節，小樽則係小樽雪燈祭。呢個係一個充滿燈光裝飾嘅活動，從下午5點到晚上9點，其中一啲小雪雕會持續大約10日，通常同札幌雪祭同時進行。由於時間安排，你仲因此可以同時享受小樽同札幌嘅冬季節日！
小樽雪燈祭共分為兩個區域：
運河會場
運河會場係小樽運河隔離嘅一條平行路徑。而小樽運河亦係小樽著名嘅地標之一。
相關資訊
- 地址: 北海道小樽市色内1-2
- 交通方式: JR小樽站步行8分鐘
手宮線會場
手宮線會場係位於小樽運河同小樽站之間嘅小路，亦同小樽運河平行。雖然運河會場比較出名，但呢個區域一啲都唔簡單。呢度有精美嘅燈籠同雪雕，以及一啲小食攤。
相關資訊
- 地址: 北海道小樽市色内1-7-1
- 交通方式: JR小樽站步行7分鐘
Comments