秋季嘅二世古擁有獨特嘅迷人之處。被大自然所包圍，二世古提供你一個一流以及舒適放鬆嘅秋季旅行體驗，絕對係喺你北海道旅行期間，唔可以錯過嘅景點之一。想喺秋季觀賞落葉，不放花啲時間嚟二世古，呢度嘅景色絕對會令你歎為觀止。
秋季嘅二世古
二世古以山脈高而廣闊，係國際聞名嘅滑雪度假區。但二世古嘅魅力當然唔止咁簡單啦，由於靠近群山山脈以及鄰近羊蹄山（被稱為北海道嘅富士山），造成二世古嘅景色特別優美。
擁有豐盛嘅大自然係二世古獨有嘅寶物。喺秋季時分，二世古被鋪上咗一層金黃色以及紅色嘅落葉，色彩豐富, 冷靜平穩，輕鬆嘅氛圍，係一個帶你遠離煩惱嘅世外桃源。十月中旬嘅落葉季節，係到訪二世古嘅一大重點。每一年落葉嘅時間前後或許有啲出入，記得事先check好天氣報告。
由於北海道喺日本北部，而二世古亦靠近群山山脈，於秋季時分，二世古嘅夜晚溫度比較低，而從秋轉冬，氣溫更加係直線下降。 十月嘅平均氣溫為10度左右，建議最好著多件羊毛衫。
以下為喺秋季盡情享受二世古嘅一系列景點：
名水公園
背後為羊蹄山美景， 同時可以飽覽秋景。 最佳到訪時期為十月中旬，秋葉轉啱啱轉金黃之時。
- 地址：北海道虻田郡京極町45川西 044-0131
- 交通方式：從二世古車站駕駛27分鐘車程抵達
二世古Annupuri山
二世古Annupuri山係位於二世古嘅另一座山，冬天為熱門嘅滑雪活動地點，而秋天則係帶俾你一種完全唔同嘅感覺。屆時山上遍佈金黃色嘅落葉，加上藍天白雲，造就一個非常療愈嘅大自然環境。不得不提嘅係，登山亦係一個唔錯嘅選擇。
- 地址：北海道虻田郡倶知安町
- 交通方式：從二世古車站駕駛26分鐘車程抵達
神仙沼
要前往享受神仙沼美景，需要行少少山以及徒步旅行。喺秋季，尤其係10月左右，成個森林遍佈金黃落葉，而當你抵達沼澤地帶，周圍會係一個空曠地區，背後為披上金黃葉嘅山，絕對會令你大讚。
- 地址：北海道岩内郡共和町前田 048-2201
- 交通方式：從二世古車站駕駛29分鐘車程抵達
棲舍努普利
棲舍努普利係一個值得你登山，欣賞秋季景色嘅景點。要登峰大約需要1個鐘頭時間。 喺欣賞紅葉嘅同時，仲可以飽覽羊蹄山以及二世古Annupuri山嘅美景。
- 地址：北海道岩内郡共和町前田 048-2201
- 交通方式：從二世古車站駕駛24分鐘車程抵達
半月湖畔
於10月到訪，四周係金黃色嘅葉子，欣賞半月形狀嘅湖畔，感受靜謐時光。
- 地址：北海道虻田郡倶知安町
- 交通方式：從二世古車站駕駛14分鐘車程抵達
全景線
二世古全景線長約45公里，穿越二世古東北邊嘅山脈以及森林。全景線連接咗二世古以及岩內町，可以從呢度抵達棲舍努普利以及半月湖畔。一於租車或者利用電動單車遊覽全景，欣賞兩旁嘅金黃樹葉景色。
- 地址：北海道虻田郡倶知安町
- 交通方式：從二世古車站駕駛14分鐘車程抵達
羊蹄山名水公園
位於真狩神社附近嘅羊蹄山名水公園，係一個賞紅葉嘅美景之一。喺附近仲設有一間豆腐名店。
- 地址：北海道虻田郡真狩村 048-1605
- 交通方式：從二世古車站駕駛17分鐘車程抵達
Comments