喺日本，春天到處都有櫻花盛開。但北海道，仲有其他美麗嘅花朵，如鬱金香與芝櫻。春天去北海道對大自然愛好者嚟講絕對係非常愉快！
北海道春天仍然非常寒冷
氣候
喺北海道，即使三月底，仍然會有幾日溫度會降到零下。春天於四月開始，但仍然非常寒冷。
溫度
3月份平均溫度低於1℃，4月份為7℃，5月份為12℃。
北海道春天旅遊服裝要點
因為春天仍然好凍，所以要準備冬季服裝、防水鞋(雪開始融化)及長袖外套。另外，亦要帶備帽子及短袖襯衫，因為5月開始氣溫會稍微回暖。
北海道春天嘅旅遊樂趣
賞櫻
松前公園被認為係日本最好嘅賞櫻勝地之一。擁有250個品種及數千棵櫻花，呈現令人嘆為觀止嘅景象，讓你留下永生難忘嘅回憶。
花季從四月下旬到五月下旬，天氣好時甚至可以一邊眺望津輕海峽、一邊賞花。更重要嘅係，前往松前櫻花節，除咗賞花，仲可以品嚐當地美食！
景點資訊
- 名稱: 松前公園
- 地址: 北海道松前郡松前町字松城
- 交通: 於JR木古内站前乘搭函館巴士松前行，車程約1小時30分，於「松城巴士停」落車、再步行7分鐘即達。
鬱金香
上湧別鬱金香公園係一個令人驚嘆嘅鬱金香花田。如果你係賞花忠實粉絲，咁就肯定會嚟呢度，因為有數以百萬計、色彩繽紛艷麗嘅鬱金香，從紅色、橙色到紫色都有！
鬱金香花期從五月初到六月初，亦有上湧別鬱金香季相關活動，千祈唔好錯過啦！
景點資訊
- 名稱: 上湧別鬱金香公園
- 地址: 北海道紋別郡湧別町上湧別屯田市街地1番地1
- 交通: 從JR北海道石北本線「遠輕」站揸車約15-20分鐘
令人驚嘆嘅芝櫻
如果你有興趣參加粉紅色嘅芝櫻節，同時欣賞美麗嘅紫色及粉紅色小花，咁就去瀧之上公園吧。每年春天，數百萬遊客前往公園，欣賞不可思議又壯觀嘅芝櫻花海，享受平靜嘅大自然時光。
景點資訊
- 名稱: 瀧之上公園 (滝の上公園)
- 地址: 北海道夕張市滝ノ上5番地
- 交通: 從JR石勝線「滝ノ上」站步行7分鐘
春天去滑雪?
儘管春天為花季，但喺北海道仍然可以喺春季滑雪。由於冬季大量嘅積雪，因此滑雪季節由11月下旬持續到翌年5月上旬，前後長達5個月。
如果你鍾意喺北海道優質嘅粉雪中滑雪，都可以考慮喺4月份前往北海道嘅二世古㗎。
Comments