被軟綿綿嘅粉雪所包圍嘅北海道冬天，成個城鎮被一種獨有嘅溫馨感覺所包圍，節日氣氛亦使得熱鬧非凡。 呢度有美麗嘅景色，歷史遺跡，溫泉遺跡美味嘅當地美食。北海道嘅自然美以及歷史相輔相成，持續吸引來自世界各地嘅遊客來訪。
關於北海道冬天
11月中會開始落少少雪，到咗1至2月全個城鎮會被蓋上一層白色嘅雪。想喺函館玩得盡興，體驗各式各樣嘅冬季祭典，12月至2月嚟呢度玩可以話係最佳時期。軟綿綿嘅雪花緩緩飄落，配合一旁被點燈嘅大廈以及路邊嘅樹木，街景可以話係非常動人。
函館冬季嘉年華
充滿異國風情嘅函館，裝飾咗超過50,000盞彩燈。函館冬季嘉年華從2016起短短舉辦咗幾年，就成為咗全日本嘅話題。於八幡坂以及二十間坂，種植於波道上嘅樹木被彩燈裝飾得閃閃耀眼。冬夜雪花紛紛飄落之大地，使得街景更顯得閃爍。樹木每日從下午5點至10點點燈，著名地標包括有舊函館區公會堂，教堂以及海灣地區。
活動資訊
- 活動名稱: 函館冬季嘉年華
- 活動地址: 北海道函館市大町15 (元町以及部分函館嘅城鎮)
大沼函館冰雪節
於2019年2月9號至10號，於大沼國定公園舉辦咗為期兩日嘅祭典。呢個祭典每年都會舉辦，好似札幌雪祭咁，會場佈滿雪雕以及冰雕作品。而全場重點，當然要數用大沼湖水製作嘅冰滑梯。唔洗用雪撬都可以滑落，非常刺激。
活動資訊
- 活動名稱: 大沼函館冰雪節
- 活動地址: 大沼國定公園
- 交通方式: 從大沼公園站出閘徒步5分鐘抵達
於函館冬天可以做嘅事情
其中一項值得做嘅事情就係喺冬季嘅時候嚟函館散步。起點為建造於19世紀中期嘅星形要塞五稜郭,乘搭函館電車短短20-30分鐘從函館車站抵達五稜郭車站或警察署前車站，再徒步幾分鐘即可抵達。五稜郭塔上嘅觀景台係俯瞰五稜郭公園全景嘅最佳位置。
另外，乘搭函館電車抵達十字街車站， 往西北方向嘅函館灣徒步幾分鐘抵達金森紅磚倉庫。於1850幕府時代結束，函館作為日本頭批開放同外國貿易往來嘅城市之一， 而函館碼頭亦成為日本最早嘅國際貿易港口之一。
當時嘅歷史建築都有被好好保護,例如位於函館嘅金森紅磚倉庫，見證咗歷史時代嘅變遷。雖然今時今日已經失去咗原本嘅用途，修建為購物以及娛樂嘅複合式設施。
夜幕降臨，乘搭每15分鐘一班嘅函館纜車抵達函館山山頂。相信小編，呢趟旅程絕對值得！抵達山頂，飽覽日本三大夜景之一嘅函館夜景。景色之壯觀宏偉， 甚至被列入米芝蓮三星景點。城市嘅燈海形成一個特殊嘅漏斗形狀，太陽落山30分鐘後被譽為最佳嘅觀景時間。
冬季嘅函館巴士安排
乘搭巴士係其中一個可以輕鬆玩轉函館嘅交通方式，可以帶你直接抵達函館各式各樣嘅觀光景點。有關巴士路線資訊可以喺函館站嘅巴士資訊中心查詢，非常方便。由函館出發嘅直通巴士可以帶你直達函館山纜車，五稜郭塔以及Trappistine修道院。另外，亦可以乘搭循環往返函館站以及海灣地區嘅「元町海灣周遊號」。
Comments