春天嘅札幌仍有啲寒意，春季後半會變得稍微暖和，但又唔可以話札幌嘅初春咩活動都無。相反，從初春開始，就有溫泉、拉麵、夜景等各種活動可以享受，絕對係賞花同戶外活動嘅季節。無論幾時前往旅遊，都會有各種好玩好睇嘅景點值得你去探索。
春季札幌觀光景點
春天嘅札幌有好多地方可以觀光。呢度嘅春天溫度比日本本島仲要低。但無論如何，仍然有好多活動可以享受。
只要準備好適當嘅防寒衣物，就可以喺寒風中保持溫暖，今次小編就要帶大家一齊嚟睇睇呢啲景點！
國營瀧野鈴蘭丘陵公園
如果鐘意鬱金香，一定要去國營瀧野鈴蘭丘陵公園。呢度有大量鬱金香，係值得你考慮去參觀嘅美麗公園之一。
景點資訊
- 名稱: 國營瀧野鈴蘭丘陵公園
- 地址: 北海道札幌市南區滝野 滝野247
- 交通方式: 從地鐵南北線「真駒內」站乘搭中央巴士（102/真102)到「鈴蘭公園溪流口」、「鈴蘭公園中央口」、「鈴蘭公園東口」站落車，步行5分鐘
藻岩山
推薦坐纜車前往藻岩山山頂欣賞美麗嘅日落。日落後無幾耐，就可以從山頂欣賞札幌市嘅壯觀夜景。
景點資訊
- 名稱: 藻岩山
- 地址: 北海道札幌市南區藻岩山
- 交通方式: 從札幌市區出發：從大通「西4丁目站」或「薄野站」乘搭路面電車前往，喺纜車入口(市電停留所ロープウェイ入口)落車再乘搭免費接駁巴士前往藻岩山空中纜車嘅入口。
札幌手稻滑雪場
如果錯過咗冬季旅遊都唔緊要，北海道嘅氣候較寒冷，即使已經到咗春天，仍然可以享受滑雪。如果想喺札幌體驗適合家庭嘅滑雪之旅，推薦前往札幌手稻滑雪場。
景點資訊
- 名稱: 札幌手稻滑雪場
- 地址: 北海道札幌市手稻區手稻本町593-3
- 交通方式: 從札幌市開車約40分
莫埃來沼公園
可以喺莫埃來沼公園享受充滿藝術風格嘅公園。佢嘅景觀設計複雜而精緻，有趣而輕鬆，融合各種美學建築設計。可以徒步行下公園，亦可以租單車，一邊騎一邊欣賞美景。
景點資訊
- 名稱: 莫埃來沼公園
- 地址: 札幌市東區莫埃來沼公園1-1
- 交通方式:
- 從札幌市內開車約30分鐘
- 從地鐵東豐線「環狀通東」站乘搭中央巴士（東69/東79）到「MOERE沼公園東口」站落車即抵達 ※期間限定巴士
定山溪·豐平峽溫泉
春天嘅札幌，即使無雪，天氣仍然寒冷。定山溪·豐平峽溫泉位於札幌，但卻遠離熙熙攘攘嘅都心，被大自然同群山環繞。如果喺初春時節嚟札幌，一於去呢度浸下天然溫泉浴、享受大自然景色嘅懷抱啦！
景點資訊
- 名稱: 定山溪·豐平峽溫泉
- 地址: 北海道札幌市南區定山溪608-2
- 交通方式: 『JR札幌站南口巴士總站』乘搭定鐵巴士到定山溪溫泉，車票770円，車程約75分鐘
元祖札幌拉面横丁
拉麵唔係想象中咁簡單。拉麵料理無具體嘅標準，拉麵師傅不斷創造並改良拉麵嘅味道，為求達到更高嘅境界。 因此可以睇到日本唔同地區對於拉麵味道及內容都有唔同嘅定義。札幌嘅招牌拉麵係味噌拉麵。元祖札幌拉面横丁係品嚐札幌風格味噌拉麵嘅好地方。
景點資訊
- 名稱: 元祖札幌拉面横丁
- 地址: 北海道札幌市中央區南5条西3丁目6
- 交通方式: 札幌市營地鐵南北線．薄野站步行3分鐘
札幌丁香節
日本春天通常同櫻花有關。喺札幌除咗可以賞櫻花，同時大家都會期待著丁香花嘅盛開。札幌丁香節意味著寒冷冬天嘅結束、溫暖季節嘅開始。而丁香節通常喺春天尾聲嘅五月下旬舉行。丁香花祭期間，遊客可以參加各種活動。
有2個地方舉辦札幌丁香節：
大通公園
大通公園通常喺每年5月下旬舉辦為期超過1個禮拜嘅活動，包括紫丁香花節、音樂節、美食攤位等等。公園內大約有400棵紫丁香樹。由於位於札幌市中心，充滿觀光人潮。
景點資訊
- 名稱: 大通公園
- 地址: 北海道札幌市中央區大通西1～12丁目
- 交通方式:
- 地鐵南北線/東西線/東豐線「大通」站落車即抵達
- 地鐵東西線「西11丁目」站落車即抵達
川下公園
川下公園有1700棵紫丁香樹，共200種來自世界各地嘅丁香。如果鐘意花卉，特別係丁香花，咁就一定要嚟呢度啦。同大通公園相比，呢度舉辦嘅活動為期較短。川下公園通常喺每年6月初舉辦為期２日嘅活動。內容主要同紫丁香有關。
景點資訊
- 名稱: 川下公園
- 地址: 北海道札幌市白石區川下2651番地
- 交通方式: 從「札幌站」乘搭中央巴士55白石 本線或57北郷 本線，於白石高校前落車後步行5分鐘
Comments