講起名古屋之旅必做清單之一，一定係品嚐「名古屋めし（漢字為「名古屋飯」，指名古屋美食）」！從鰻魚三吃、味噌炸豬扒、棊子麺、台灣拉麵、蓋澆意大利粉、小倉吐司等，代表名古屋飲食文化嘅豐富種類「名古屋飯」名氣唔只局限於愛知縣當地，知名度更厲害得拓展到，深受全國老饔追捧。
今次，編輯部就要向大家介紹名古屋觀光必食嘅7家「名古屋飯」餐廳，從甜食早餐、精美晚餐到特色fusion料理都一一上榜！
Atsuta蓬萊軒：順滑炭燒饅魚飯
「Atsuta蓬萊軒 」於1873年創業，至今已擁有百多年悠久歷史，更係名古屋鰻魚飯始祖！切成容易入口嘅鰻魚先以高質烏岡櫟備長炭燒烤，烤好後再鋪到盛裝於一款傳統木造容器「櫃（hitsu）」內嘅白飯上，配以海苔、wasabi等調味料以及高湯，一份「鰻魚飯三吃」就大功告成！店家亦有提供其他鰻魚料理，例如係鰻魚蛋卷、燒鰻魚肝等，鰻魚愛好者必試！
店舖資訊
- 名稱：Atsuta蓬萊軒（本店）
- 地址：愛知縣名古屋市熱田區神戶町503
- 營業時間：11:30～14:00 (Last Order) / 16:30～20:30 (Last Order)
- 休息日：週三與第2、第4個週四（如遇公眾假假則照常營業）
- 交通：名古屋市營地下鐵名城線「傳馬町站」落車，步行約3分鐘
山本屋總本家：味噌煮烏冬
「味噌煮烏冬」係名古屋代表美食之一，充滿嚼勁嘅烏冬吸收濃郁紅味噌與高湯湯底精華，入口每啖都滿滿滋味在心頭，尤其係寒冷冬天下更成為取暖神物！
創業已有90多年嘅老字號店家「山本屋總本家」於名古屋內有5間分店，其中本店位於縣內首屈一指鬧區「榮」內，夜晚想食一碗暖笠笠烏冬時都非常方便。
店舖資訊
- 名稱：山本屋總本家 本家
- 地址：愛知縣名古屋市中區榮3-12-19
- 營業時間：
平日 11:00～15:00 / 17:00～22:00（LO:21:00）
六日與公眾假期 11:00～22:00（LO:21:00） - 休息日：週二、三與年末年始假期
- 交通：名古屋市營地下鐵名城線「矢場町站」落車，步行約7分鐘
矢場とん（Yabaton）：味噌炸豬排
提到名古屋另一必食美食－味噌豬排的話，就不得不提到1947年創業嘅「矢場味噌豬排 Yabaton」。
有別於其他地方，名古屋炸豬排並非使用一般炸豬排醬汁、而係選用八丁味噌淋上鬆脆炸豬排聯同白飯與椰菜絲，一道地道美食就此誕生！縣內銘店「矢場味噌豬排 Yabaton」對於味噌豬扒食材非常堅持，除起用南九州豬肉外，紅味噌亦選用發酵超過1年嘅產物，「嚴選食材」、「炸豬扒方式」以及「味噌醬汁」堪稱最佳組合！
店舖資訊
- 名稱：矢場味噌豬排 矢場町本店
- 地址：愛知縣名古屋市中區大須3-6-18
- 營業時間：11:00～21:00
- 休息日：無
- 交通：名古屋市營地下鐵名城線「矢場町站」落車，從4號出口往矢場町方向步行5分鐘
風來坊：黃金比例炸雞翼
名古屋炸雞翼日文為「名古屋手羽先」，一般做法為蘸上鹹甜醬汁炸至香口酥脆而成。名古屋炸雞翼係唔少地道日本人摯愛，更係夜晚飲酒小酌後嘅最佳拍檔！
想品嚐地道炸雞翼的話，記得要去相傳為「名古屋手羽先」元祖嘅「風來坊」。店家當初以原隻炸雞打響名堂，後來經廚師改良後改為僅使用雞翼加上獨門醬汁並調低售價，結果成為店家招牌美食。
風來坊目前分店已遍佈全球各地、甚至遠至美國，不過想要朝聖的話當然係去發源地－榮！
店舖資訊
- 名稱：風來坊 榮店
- 地址：愛知縣名古屋市中區榮4丁目5番8號 美食大樓「EARI」1樓
- 營業時間：
星期一至四 17:00～23:00（料理Last Order 22:30、飲品Last Order 22:45）
星期五至六 17:00～24:00（Last Order 23:30）
星期日 17:00～23:00（Last Order 22:30） - 休息日：不定休
- 交通：從地下鐵「榮駅」12號出口步行3分鐘
客美多咖啡（Komeda‘s Coffee）：以小倉紅豆多士展開完美一天
想要為名古屋之旅揭開完美序幕？早餐一於交由小倉紅豆多士同咖啡！
跟住要介紹嘅「名古屋飯」，係以一款厚切多士配上牛油、小倉紅豆餡而成嘅「小倉紅豆多士」。如果想再「加餸」的話，您亦可以選擇加配熟蛋補充蛋白質，又或忌廉為多士添加一份甜味。遊客可以喺名古屋內多間café與酒店都食到小倉多士，象徵獨特café文化與早餐嘅客美多咖啡（Komeda‘s Coffee）亦唔例外。
作為日本全國提供早餐嘅連鎖店之一，客美多咖啡（Komeda‘s Coffee）亦有引入小倉紅豆多士作為菜式之一。名古屋站周邊多間分店從朝早就開始營業，因此成為唔少當地人嘆早餐嘅聚腳地，早起的鳥兒一樣可以食到名古屋名物料理！
店舖資訊
- 名稱：客美多咖啡（Komeda‘s Coffee） 名古屋站西店
- 地址：愛知縣名古屋市中村區則武2丁目3番2號
- 營業時間：07:00〜23:00
※年末年始期間或會作出變更 - 休息日：無
- 交通：從JR「名古屋站」徒步約4分鐘
味仙：日本×台灣Fusion拉麵！？
「味仙」最大特色，就係融合日本與台灣兩地拉麵合味，創作出獨一無二嘅辣味「名古屋風味台灣拉麵」。自1960年創業以來，味仙至今已開設多間分店，並以日本×中國×台灣fusion式拉麵深受日本人歡迎。
拉麵店並非高級食店，而係走樸素親民路線。招牌拉麵湯底採用辣味雞湯，並加入韭蔥、豬肉碎而成；如果唔夠喉的話，您亦可以再嗌其他小菜，例如係酸辣炸雞或炸餃子。
同前面介紹過嘅餐廳一樣，您可以喺名古屋站等各地搵到味仙分店（本店位於名古屋今池）～
店舖資訊
- 名稱：味仙 今池本店
- 地址：愛知縣名古屋市千種區今池1-12-10
- 營業時間：17:30〜02:00
- 休息日：12月31日、1月1日
- 交通：從名古屋市營地下鐵櫻通線或東山線「今池站」9號出口徒步約1分鐘
義大利麵屋YOKOI：非一般嘅意粉！
最後要介紹嘅，係另一名古屋特色fusion料理－蓋澆意大利粉。雖然名叫「意大利粉」，但其實味道上蓋澆意大利粉已甚少意大利元素，反而係更接近中國口味。
蓋澆意大利粉一般會以粗條意大利粉拌以胡椒濃郁辛辣醬汁調味，再拌以米蘭薩拉米香腸或「Milacan（青椒及其他時令蔬菜）」或芝士等一同上碟。雖然坊間對呢款料理嘅起源眾說紛紜，惟普遍日本人都視「義大利麵屋YOKOI 」為元祖，由店家出品嘅蓋澆意大利粉歷史更可追溯早至60年代！
店舖資訊
- 名稱：義大利麵屋YOKOI 住吉本店
- 地址：愛知縣名古屋市中區榮3-10-11 Santo大廈2樓
- 營業時間：
星期一至六 11:00～15:00（Last Order 14:35）、17:00～21:00（Last Order 20:35）、
星期日及公眾假期 11:00～15:00（Last Order 14:35）
※至醬汁售罄為止 - 休息日：無
- 交通：從名古屋市營地下鐵東山線「榮站」8號出口徒步約5分鐘
Comments