身為大都市嘅名古屋市有好多美食同觀光景點, 好適合旅客嚟旅遊。今次特別為夏天要嚟名古屋旅遊嘅你介紹三大夏日盛事。
夏日盛典：名古屋城夏霄祭
日本三大名城之一嘅名古屋城，8月中上旬左右舉辦名古屋城夏霄祭（Nagoya Castle Summer Festival），平常只開到下午4點半嘅名古屋城，喺夏霄祭期間特別延長開放至晚上9點。現場會有露天酒吧、攤販與餐車，你可以大飽口福名古屋嘅美食，而精采絕倫嘅Live演唱會、英雄戰隊舞台劇與火繩槍……等表演輪番上陣，將現場嘅氣氛炒得熱鬧滾滾。圍繞住燈籠高台、配上傳統氣息濃厚嘅樂曲，同日本人一齊進行傳統嘅盂蘭盆舞大會，你覺得如何呢？
活動資訊
- 名稱：名古屋城夏霄祭
- 舉辦期間：8月中上旬
- 地址：愛知縣名古屋市中區本丸1番1號
- 交通：
從地下鐵「市役所站」7號出口徒步5分
從地下鐵「淺間町站」1號出口徒步12分
從名鐵「東大手站」徒步15分
夏日盛典：名古屋港祭
講到夏天嘅時令象徵，當然就係絢爛奪目的煙火大會啦！每年7月中旬左右舉辦嘅名古屋港祭（Nagoya Port Festival），喺港區內從早上開始就有一連串神樂、和太鼓、音樂會……等精彩嘅表演及活動，你可以喺呢度感受到日本人嘅活力與傳統慶典嘅氣氛，而晚上煙花大會更加係名古屋港祭嘅重頭戲，幾千發煙花打上高空照亮咗整個港區，滿滿嘅夏日氣息！
活動資訊
- 名稱：名古屋港祭
- 舉辦期間：7月中旬
- 交通：
從地下鐵「榮站」乘搭巴士前往，於「名古屋港」落車
從JR、名鐵「金山」站乘搭巴士前往，於「名古屋港」落車
夏日盛典：世界Cosplay高峰會
名古屋係日本三大動漫聖地之一，至今已舉辦咗16屆嘅世界Cosplay高峰會（World Cosplay Summit），於2018年有36個國家嘅好手嚟到名古屋參加總選舉。一般民眾亦可以到活動現場觀摩，周邊有攤位、表演舞台及拍照區，睇到好多真人版嘅動漫人物出現喺眼前十分新鮮有趣，如果遇到心儀嘅角色，不妨鼓起勇氣詢問是否可以拍照喔！
活動資訊
- 名稱：世界Cosplay高峰會
- 舉辦期間：7月底~8月初左右
- 地址：綠洲21周邊
- 交通：地下鐵「榮」站4號出口即達
夏天去名古屋嘅三大建議
建議一：夏季悶熱需多補充水分
6月開始慢慢進入夏天嘅節奏，白天通常氣溫約攝氏30度以下，不過適逢梅雨季，落完雨後會變得涼爽，建議穿著薄長袖或者短袖。7、8月真正嘅夏天來臨，近兩年當月嘅最高氣溫去到攝氏32~35度左右，建議穿著以短袖為主，9月白天嘅氣度漸漸下降，建議可比照6月著短袖或薄長袖。整體而言，名古屋嘅夏天屬於悶熱型，一定要多補充水分喔！
建議二：防曬、消暑涼感用品不可少
名古屋市內嘅建築物多，喺室內、室外進進出出，經常令人輕忽夏季嘅烈日而不小心曬傷或曬黑。建議出門前要做好防曬措施，帽子、太陽傘、太陽眼鏡亦可以先準備好。另外夏天嘅便利店、藥妝店均會出售涼感紙巾、涼感噴霧……等季節性商品，使用後真係可以令身體嘅高溫稍微緩解呢！
建議三：配搭室內活動與夜間活動
夏日應避免中午喺室外從事長時間嘅活動，建議多多配搭室內活動與夜間活動，例如白天先參觀名古屋電視塔、名古屋港水族館、豐田產業技術紀念館，或者去綠洲21、名古屋地下街Central Park逛街購物、品嚐美食，下午至傍晚時分逛逛久屋大通公園、德川園，晚上到夜間特別開放嘅東山動植物園接觸自然生態，或者參加夏日祭典、煙花大會，就係一個充實嘅行程喔！
解決夏天煩躁嘅妙計：鰻魚飯
名古屋嘅鰻魚飯三食遠近馳名，總係吸引好多食家慕名而來，尤其係到咗夏天更加要品嚐呢道名古屋嘅代表美食。夏天食鰻魚呢項飲食文化據說最早源自奈良時代，鰻魚含豐富維他命A、維他命B群、維生素D、蛋白質……等身體所需嘅營養成分，能對抗因天氣炎熱所產生嘅煩躁感與疲倦感，以及幫助恢復疲勞喔！
Comments