大家經常前往大阪、京都同奈良旅行，但往往忽視名古屋。實際上呢度係一個充滿活力而且繁忙嘅城市。好多企業例如係豐田汽車，依靠名古屋港，將貨品運送到去國外。而名古屋港區實質上都有好多有趣嘅地方，一於換上休閒服裝，嚟名古屋港度過愉快嘅一日啦！
名古屋港5件必做嘅事情
1. 全新大型購物中心Lalaport
名古屋港區「The Mitsui Shopping Park LaLaport」於2018年10月1日開幕，約有217間商店。包括大型蔦屋書店、貢茶、WEGO，其中有好多價格合理嘅商品同Comme ca Style店鋪。
喺肯德基甚至可以享自助式午餐，喺一個鐘內任食炸雞，１個鐘10分鐘為1780円（未稅）。如果你嘅夢想係食炸雞食到飽，嚟呢度就啱啦！
相關資訊
- 名稱: LaLaport名古屋港AQULS (LaLaport NAGOYA minato AQULS)
- 地址: 愛知縣名古屋市港區港明2丁目3番2號
- 交通方式: 從名古屋市地鐵名港線「港區役所站」步行2分鐘、「東海道站」步行3分鐘即抵達
2. 名古屋港水族館
名古屋港水族館嘅悠久歷史，吸引咗大量遊客，館內有得意嘅企鵝、虎鯨同海豚表演。高中生同成人嘅票價係2000円。如果購買4個景點嘅套票，則為2400円，仲可以參觀附近嘅其他3個景點。
相關資訊
- 名稱: 名古屋港水族館
- 地址: 愛知縣名古屋市港區港町1番3號
- 交通方式: 地下鐵名港線名古屋港站步行5分鐘
3. 名古屋海洋博物館
名古屋海洋博物館鄰近水族館，係遊覽水族館後可以順便一遊嘅地方。可以登上呢艘曾經去南極探險過嘅船，會係教導細路仔關於船舶力學、航海探索同歷史嘅好方法。
相關資訊
- 名稱: 名古屋海洋博物館
- 地址: 愛知縣名古屋市港區港町1番9號
- 交通方式: 地下鐵名港線名古屋港站步行5分鐘
4. 藍帽花野生花園
喺美麗嘅藍帽花(亦稱矢車菊)花園放鬆身心。除咗花園，仲有一個由英國園林景觀設計師所設計嘅花園。此外，仲有一間名為Aura嘅餐廳，擁有非常時尚嘅現代裝飾。只要1600円就可以喺餐廳優雅地享用美食！花園門票大人為300円。
相關資訊
- 名稱: 名古屋港野生花園•藍帽花
- 地址: 愛知縣名古屋市港區潮見町42
- 交通方式: 市營巴士金山發19系統「Wild Flower Garden」方向（車程約35分鐘），於「Wild Flower Garden」落車後步行約3分鐘。
5. 名古屋港海濱遊樂園
「名古屋港海濱遊樂園」係海灣周圍最大嘅休閒公園之一，入園免費，但遊樂設施要付費。摩天輪高85米，係東海地區最高嘅摩天輪。 此外仲有一般主題公園必備嘅景點，例如旋轉木馬同鬼屋。
相關資訊
- 名稱: 名古屋港海濱遊樂園
- 地址: 名古屋市港區西倉町1－51
- 交通方式: 名古屋市營地下鐵・名港線「名古屋港」站3號出口徒歩5分鐘
相關資訊
- 名稱: 名古屋港
- 地址: 愛知縣名古屋市港區港町1番3號
- 交通方式: 地下鐵名港線名古屋港站
Comments