![名古屋3大賞櫻景點](https://content.fun-japan.jp/renewal-prod/cms/articles/content/a043c6244813b2f81bb3686681f70f802c1eb76b.jpg)
喺日本,有好多詞彙代表觀賞事物嘅行為。賞月即「月見」、賞梅花係「梅見」。而最著名嘅活動當然要數賞櫻,日文嘅「hanami(花見)」中嘅「hana(花)」指嘅就係櫻花。東京、名古屋、奈良同京都以賞櫻景點而聞名。每年三月底,櫻花開始綻放。就等我哋嚟睇睇名古屋嘅3大賞櫻景點啦!
名古屋3大賞櫻景點
1. 鶴舞公園
![名古屋3大賞櫻景點](https://content.fun-japan.jp/renewal-prod/cms/articles/content/4f2e8854fed4c3bb145f1312bf785af9a1362cce.jpg)
名古屋鶴舞公園唔單止以櫻花(花期3月下旬至4月上旬),仲以玫瑰(花期5月至9月)聞名,係日本賞櫻100大景點之一。公園名字起源係個謎,其中一個猜測係因為附近嘅學校叫做鶴舞,所以花園亦被稱為鶴舞。
花園於1909年開業,一共種植咗750棵吉野櫻。有噴泉區、四個池塘等影相熱點,仲有建於1928年、被指定為名古屋市有形文化財嘅「普選記念壇」,都係不容錯過嘅景點。
景點資訊
- 名稱: 鶴舞公園
- 地址: 愛知縣名古屋市昭和區鶴舞一丁目
- 交通方式: JR中央本線「鶴舞」站落車即刻抵達
2. 名古屋市東谷山水果公園
![名古屋3大賞櫻景點](https://content.fun-japan.jp/renewal-prod/cms/articles/content/94ed3241a66107ce69b987e9d2b6f31d7b0ee767.jpg)
喺名古屋市東谷山水果公園,除咗欣賞美麗嘅櫻花,仲可以採摘水果。公園有15個果園、多棵櫻花樹、花園同溫室。公園嘅特色仲包括獨特嘅枝垂櫻,一種枝幹向下傾斜生長嘅櫻花,外型彷彿一個年輕女仔穿著「振袖」,一種日本成年禮嗰陣所穿著嘅和服。
鐘意釣魚嘅人亦可以去池塘。另外,一年之中嘅任何時間都可以喺溫室入面採摘季節性水果,好似係蘋果、日本梅子、藍莓同柿子等等。
景點資訊
- 名稱: 名古屋市東谷山水果公園
- 地址: 名古屋市守山區大字上志段味字東谷2110
- 交通方式: JR中央本線「高藏寺」站落車、南口出嚟後,向南步行25分鐘
3. 山崎川
![名古屋3大賞櫻景點](https://content.fun-japan.jp/renewal-prod/cms/articles/content/68cfc4aad1ff8329acd1a79b1b17704ffb45c7be.jpg)
愛知縣第五大熱門景點,山崎川沿岸種咗600棵吉野櫻花。岸邊步道以四季(山崎川四季の道)命名,春、夏、秋、冬步道。
細路仔可以到水中玩耍,一邊慢慢欣賞沿岸櫻花。櫻花季通常從3月底到4月初。夜間櫻花點燈時間為下午6:30至晚上9:00。喺櫻花季,平均有4萬人次前來賞花。
景點資訊
- 名稱: 山崎川
- 地址: 愛知縣名古屋市瑞穗區山下通
- 交通方式: 名古屋市營地下鐵「市役所站」步行5分鐘
Comments