等我哋嚟睇一吓，日本社會公共服務如何令到大家活得長長久久，甚至65歲以後，都仲可以活得長壽健康。
國民健康保險
日本國民健康保險系統令日本市民無論活到幾多歲，都獲得平等嘅醫療服務。
而其中有兩種選擇:一係托雇主為你承保。二係自行承保國民健康保險。保險費根據年齡同收入唔同有所出入，但大部分綜合醫院，診所同治療都可以給付。
國民健康保險嘅費用唔貴，學齡兒童，學生，成人只需要付醫療費嘅30%，而且老年人同小童只需要付20%。而且75歲以上嘅高齡者仲享有更加多嘅優惠。
即使係身患種病，政府都會提供相關措施減低醫療費。喺呢個計劃下，任何賬單如果超過固定金額就會退還返俾患者。
實施呢D措施令到日本人喺病咗嗰陣唔洗擔心需要支付龐大醫療費，更加願意去醫院接受治療。
因此，更多日本人就算係患上普通嘅傷風感冒就去睇醫生。咁就可以盡早檢測到更多嚴重嘅疾病，進而防止疾病擴散。
而呢個就係點解日本保健出費於2015平均只需要$4,500。對比瑞典嘅人均$5,400同美國嘅人均$9,800都平好多。
毫無疑問，日本高質素嘅健康保險系統係其中一個令到日本國民長壽同嬰兒死亡率低下嘅主要原因。
保障高齡者嘅社會
日本高齡化問題已經係全球都知道嘅事情。
今時今日，超過65歲嘅長者達到1/4人口。而呢個數字相比起1970年代已經翻咗4倍。
而專家認為，喺2060，超過65歲嘅長者將佔超過40%嘅人口。
因應日益增加嘅高齡人口，為求可以完整照顧年長者需求，日本發展龐大照護產業。喺2025年，呢項產業支出預計可達15.2萬億。
政府現正提供多種公共服務俾嗰D唔想退化同失去知識技術嘅年長者。俾佢哋可以學習新技能同興趣，參加一D政府輔助課程，去游水、或者係從事一D有趣嘅運動。
長者仲可以透過當地市政辦公室購買折扣優惠嘅美髮同美容服務，購買成人尿片甚至係按摩服務。
以上所有服務同時實行運作，幫助長者活得健康長壽又享有舒適生活，唔洗喺安老院孤零零度過晚年。
但係政府並唔係唯一一個提供長者服務嘅機構。
長者友善服務
好多企業開始意識到不斷增長嘅高齡人口市場所蘊藏嘅機會。提供新穎同創新嘅照顧長者服務令企業之間競爭激烈。
喺大量需求護理人員嘅市場底下，面臨嚴重人手不足問題。而呢個問題啟發大型科技企業Panasonic等喺安老院設置咗護理機器人提供協助。
超級市場同餐飲服務商提供雜貨，日常用品同餐飲服務俾無法前往店鋪嘅長者。
自1994年，日本積極生活俱樂部（Nippon Active Life Club）提供咗「時間預託機制」俾長者。會員透過參加義工服務可以獲得積分，例如探訪其他長者。而儲存落嚟嘅積分可以用嚟“購買”一D服務例如係家務服務或者係陪伴你進食午餐嘅人。
時間預託機制唔係凈係帶俾長者關愛同施予幫助，仲帶俾佢哋幫助其他人嘅成就感。
而以上只係其中一D日本日漸開創發展嘅服務例子。
多得服務日益漸進，日本長者可以更加充情遊玩實享受生活。佢哋可以得到優質醫療保健服務，同朋友保持聯繫，維持積極生活方式以長期獨立生活。
以上就係日本人長壽嘅三大原因，關於日本推動長者友善服務嘅社會，又有D乜係令到你最驚訝嘅呢？
Comments