被日本海同瀨戶內海包圍嘅「兵庫縣」，包含港町嘅神戶在內，仲有六甲山、史跡、溫泉等相當多嘅觀光景點。有眾多山珍海味嘅兵庫縣，諗都知有相當豐富嘅美食。下面我哋要介紹大家知兵庫縣受人歡迎嘅觀光景點、美食與住宿。
兵庫各處充滿魅力嘅觀光景點
兵庫縣北部面日本海，南部則接瀨戶內海，仲包含淡路島。可以欣賞山林與海洋兩種唔同面貌嘅美麗景觀。
神戸市
日頭可以造訪林立喺山上嘅北野異人館，夜晚可以欣賞日本三大夜景嘅街道夜景，可以話係必去嘅觀光路線。另外，仲有港區、六甲山等豐富人氣觀光景點。唔單止係觀光景點，仲有好多時髦店鋪同餐廳等，吸引眾人造訪而顯得非常熱鬧。另外，近幾年實施嘅「神戶ILLUMINAGE」燈飾活動固定喺每年11月至第二年2月登場，相當適合上載到社交網站S曬靚相，目前逐漸受到訪日遊客注目。
有馬溫泉
從神戶市區乘搭電車約30分鐘，就可以享受日本最古老嘅溫泉‧有馬溫泉。
最古老嘅溫泉，就係講緊從人類仲未有挖土技術嘅時代起，因大地恩惠而自然湧出嘅溫泉。就算係技術發達嘅今日，亦可以從最淺300米嘅地點，浸一下富含有效天然成分嘅溫泉。另外，根據日本環境省嘅指標，有9種成分被指定為療養泉，純溫泉、二氧化碳泉(純碳酸泉）、碳酸氫鹽泉、硫酸鹽泉、氯化物泉(食鹽泉)、含鐵泉、硫磺泉(硫化氫泉) 、酸性泉、放射性泉。當中除咗硫磺泉(硫化氫泉)同酸性泉之外，有馬溫泉含有7種成分，係世界上相當罕見混和多種成分嘅溫泉。
姬路城與竹田城
講到史跡，最具代表性嘅就係被列入世界遺產嘅姬路城。佢全白色嘅美麗外牆，有著白鷺城嘅別稱。除此之外，周圍有雲海漂浮嘅竹田城亦千萬唔好錯過。特別係9月到11月之間，僅喺清晨到7點半左右嘅時間，可以欣賞到被雲海包圍嘅竹田城跡。係一生人絕對要到訪一次嘅景點。
淡路島
相傳喺日本起源嘅「日本誕生神話」中，淡路島首次被記載列入大八州內。呢度各種地方同神話息息相關，引領造訪嘅遊客超越永恆，吸引大批遊客來訪。淡路島有多個溫泉湧出，溫泉巡禮可以話係樂趣之一。最出名嘅觀光景點係「漩渦」。連接四國同淡路島嘅鳴門大橋橋下，為世界三大海潮之一、雄偉嘅鳴門海峽。流進太平洋同瀨戶內海嘅潮水相會，便形成所謂嘅「漩渦」。
從家鄉味到高級食材應有盡有嘅兵庫美食
神戶牛
作為日本三大和牛之一名氣極高嘅神戶牛，霜降同赤身嘅油花分布相當平均。因為可以品嚐到絕佳嘅甜味而大受歡迎。享譽世界嘅神戶牛，係嚟到神戶必食嘅食材之一，非常推薦品嚐厚切嘅牛排。
明石燒
「明石燒」被視為章魚燒根源嘅當地美食，特徵為喺添加小麥粉嘅麵糊內加入章魚烤成圓圓嘅形狀，沾著高湯享用。食落去嘅口感同淋上醬汁享用嘅大阪章魚燒完全唔同，請務必嚐試沾著高湯享用嘅清爽明石燒。
中華料理
JR「元町」站徒步範圍即可抵達嘅南京町，同橫濱、長崎嘅中華街並稱為日本大三中華城。南京町設置好多中華料理店。亦有好多可以外賣嘅路面小食店，所以都可以喺度享受邊行邊食嘅樂趣。
牡丹鍋
兵庫縣嘅丹波篠山地區，有狩獵山豬嘅習慣，而牡丹鍋就係用山豬肉製成嘅鍋物料理，因此可以品嚐牡丹鍋嘅美味。坐喺相當有氣氛嘅日式地爐「圍爐裏」，圍著一齊食牡丹鍋可以講係相當特別嘅體驗。享用牡丹鍋嘅最佳季節為11月下旬至3月上旬。
便利性滿分嘅兵庫酒店
神戶海港大酒店 (Kobe Portopia Hotel)
神戶海港大酒店，係以可以眺望被海山包圍嘅國際都市—神戶而自豪嘅都市酒店。地理位置良好交通方便，唔單止前往神戶，係一間前往大阪與京都等地區觀光都相當適合嘅酒店。
酒店資訊
- 酒店名稱：神戶海港大酒店 (Kobe Portopia Hotel)
- 地址：兵庫縣神戶市中央區港島中町6丁目10-1
- 交通方式：從JR「三宮」乘搭接駁巴士約15分鐘
姬路里奇蒙酒店 (Richmond Hotel Himeji)
姬路里奇蒙酒店喺2018年6月開幕，便利性極高而且地理位置極佳嘅酒店。乾淨嘅客房同齊全嘅設備及備用品，令住客舒適度過。前往姬路城觀光嘅話，非常推薦入住呢間酒店。
酒店資訊
- 酒店名稱：姬路里奇蒙酒店 (Richmond Hotel Himeji)
- 地址：兵庫縣姬路市南畝町2丁目7番地
- 交通方式：JR「姬路」站徒步約6分
溫泉酒店‧有馬御苑
有馬御苑內嘅溫泉為有馬溫泉，可以享受兩種類型嘅溫泉，提供嘅餐點為相當講究嘅神戶牛。有喺客房內享用料理嘅方案，悠閒地享用餐點。距離溫泉街相當近，係非常方便嘅溫泉酒店。
酒店資訊
- 酒店名稱：有馬御苑
- 地址：兵庫縣神戶市北區有馬町1296
- 交通方式：從地下鐵「三宮」站搭至「谷上」，轉搭神戶電鐵喺「有馬溫泉」落車，徒步約2分鐘
Comments