你係咪一個日本酒愛好者? 你有無試過喺日本飲日本酒(Nihonshu)? 如果你仲搵緊邊度係飲日本酒嘅好去處......
咦! 咪住! 其實仲有另一款酒係日本人好鍾意飲㗎。你有無聽過燒酎 (日本燒酒)? 係日本燒酒呀, 唔好攪亂韓國燒酒呀。
燒酎是什麼?
燒酎 (日本燒酒)係種好受歡迎嘅日本酒, 佢嘅酒精濃度比一般25-30%日本酒高。日本酒係以大米發酵所製成, 而燒酎係由唔只大米, 仲有番薯, 大麥, 甚至黃糖以蒸餾形式製成。
除咗直接飲用, 仲可以溝其他口味飲品嚟飲。你可以倒啲熱水落去, 咁燒酎聞落更有酒香。另外, 你都可以加啲茶, 蘇打水或者果汁去享用呢款日式燒酒。
本格燒酎&泡盛雞尾酒比賽又係咩嚟?
可能外國人都唔係好熟悉日本燒酎, 因為多數識嘅都只係日本酒(Nihonshu)。所以日本酒造組合中央協會 (Japan Sake and Shochu Makers Association, JSS) 為咗宣傳同多啲外國人認識正宗嘅日本酒, 計劃舉辦咗第一屆cocktail(雞尾酒)比賽。JSS同Hotel Barmen’s Association Japan合作, 於2018年10月17號喺Asakusa View Hotel(淺草豪景酒店)舉辦咗第一屆正宗燒酎 & 泡盛雞尾酒 比賽 (The 1st HONKAKU SHOCHU & AWAMORI Cocktail Competition)。而呢個比賽就係利用本格燒酎同泡盛嘅主題去製作cocktail。
本格燒酎&泡盛
本格燒酎依字面意思就係「正宗燒酎」咁解, 佢起源於日本沖繩。本格燒酎係利用天然素材例如番薯, 大米, 大麥, 再以古老造酒方式嘅「單次式蒸餾法」製成, 即係呢款燒酎只係蒸餾一次, 唔似類同嘅甲類燒酎咁連續式蒸餾。
本格燒酎有好多款, 例如有麥燒酎(麦焼酎), 番薯燒酎(芋焼酎), 米燒酎(米焼酎)同泡盛。而泡盛係沖繩嘅特產, 使用長粒狀泰國米製成。雖然泡盛都係以大米所製, 但係因為蒸餾過程唔同, 令佢嘅酒味比一般米酒更濃。仲有呀, 食炸物同肥美肉類時配上泡盛, 佢哋嘅化學作用又好有趣㗎。
有關比賽
20名參賽者經過Japan of Hotel Barmen’s Association 12分組嘅挑選同淘汰之後, 可以晉身參加總決賽。每位參賽者都要自選一個主題, 調配5杯雞尾酒去迎賽。
代表Shinagawa Prince Hotel嘅2號參賽者嘅作品名叫「旋轉風」, 以泡盛, 青檸皮, 同甜櫻桃製成嘅。
代表Hotel Granvia Okayama嘅20號參賽者嘅作品主題係「日本傳統的美」, 使用咗番薯燒酎同鹹櫻花製作。
Grand XIV Toba Resort嘅代表, 5號參賽者就以「遊歷日本」為題, 利用麥燒酎, 黑橄欖同薄荷葉製作出來。
而代表Hotel Granvia Kyoto嘅11號參賽者就用米燒酎, 檸檬皮同紅葉製作成「紅色花園」。
另外, Grand Prince Hotel New Takanawa代表嘅16號參賽者係以綠茶燒酎同抹茶製成「天國的雲層」。
代表Keio Plaza Hotel嘅18號參賽者以番薯燒酎, 檸檬皮同小紅蘿蔔製成「感受微風」。
仲有代表THE VAR (福岡)嘅3號參賽者以「風」為主題, 使用麥燒酎, 青檸皮, 鹽同甜櫻桃製作而成。
每位參賽者製作完成嘅雞尾酒都會送到評審區作評分。佢哋會以味道, 外觀同參賽者嘅製作技巧作為考慮因素去評分。
比賽後宣佈結果前, 會安排一個晚宴俾一眾參賽者, 評審同觀眾去享用。而參賽者又有機會可以演示佢哋調配cocktails嘅實力啦。
而呢個時候, 如果參加者對日式正宗酒精飲料有興趣嘅話, 仲係一個好時機去獲得更多相關資訊, 例如可以去燒酎展示區品嘗唔同口味嘅燒酎。
係時候公佈冠軍就係…
代表Hotel Granvia Okayama嘅20號參賽者同佢嘅得獎作品「日本傳統的美」!!
其他傑出嘅參賽者都有受賞㗎, 就係以下幾位!
- 亞軍: 代表Hotel Nikko Osaka嘅13號參賽者, 以「日本人的熱情」獲獎 (相中左起第二位)
- 季軍: 代表Hotel Metropolitan Tokyo嘅8號參賽者, 以「日本櫻花」獲獎 (相中右起第一位)
- JSS獎項得獎者: 代表Tony’s Bar (Fukuoka)嘅12號參賽者, 以「日本人的驕傲」(相中左起第一位)
喺日本舉辦嘅第一個雞尾酒比賽完美落幕。呢四位最出色嘅參賽者來自日本不同地方,通過評審深思熟慮挑選出嚟。經過呢個比賽, 睇嚟日後都會有更多好出色嘅調酒師參加比賽, 將日本傳統燒酎發揚光大, 俾更多外國人認識。
如果你有興趣試吓由燒酎製成嘅雞尾酒, 或者想親身同呢四位得獎者會面, 其實你都可以去佢哋代表酒店嘅酒吧, 即係佢哋工作嘅地方試吓佢哋調製嘅飲品㗎。
得獎者工作的酒店資訊
1. Hotel Granvia Okayama
地址: 〒700-8515 岡山縣岡山市北區站元町1-5
電話: 086-234-7000
官方網頁: https://granvia-oka.co.jp/
2. Hotel Metropolitan Tokyo (池袋)
地址:〒171-85051 東京都豐島區西池袋1-6-1
電話: 03-3980-1111
官方網頁: http://www.metropolitan.jp/ (日文)
https://www.hotelmetropolitan.jp/zh-tw (中文)
3. Hotel Nikko Osaka
地址:〒542-0086 大阪市中央區西心齋橋1-3-3
電話: 06-6244-1111
官方網頁: https://www.hno.co.jp/ (日文)
https://www.hno.co.jp/fantizi/ (中文)
4. Tony’s Bar
地址: 福岡縣福岡市博多區博多站東2-4-8
電話: 092-471-5050
比賽資訊
第一屆本格燒酎&泡盛雞尾酒比賽
(The 1st HONKAKU SHOCHU & AWAMORI Cocktail Competition)
主辦單位: Japan Sake and Shochu Makers Association (JSS)
合作單位: Hotel Barmen’s Association Japan
總決賽: 2018年10月17日(星期三)
比賽場地: Asakusa View Hotel 4樓 (〒111-8765 東京都台東區西淺草3-17-1)
官方網頁: https://www.viewhotels.co.jp/asakusa/ (日文)
Comments