大阪旅遊不可錯過嘅「天滿地區」

如果你鍾意參觀神社、購物、光顧酒吧及俱樂部，咁你一定要去大阪嘅天滿啦！除此之外，天滿仲有好多美食。如果你係由大阪以外嘅地區過嚟，天滿距離新大阪站唔遠，即使係一日遊都好方便。

關於大阪天滿

天滿位於大阪北區，係一個以繁華夜生活聞名嘅地方，亦係大阪天滿宮嘅所在地，該地區得名於此。仲有天神橋筋商店街，呢個係全日本最長嘅商店街。

大阪係日本美食聖地。如果你正係搵緊美味嘅佳餚，可以喺天滿地區盡情享受！

必食嘅係大阪代表美食－大阪燒！「千草大阪燒」呢間專門店好受當地人嘅歡迎，可以食倒大阪最好嘅大阪燒之一，特別係佢個醬汁非常好味。

如果你鍾意街頭小食、鍾意食章魚，一定要食章魚燒！章魚燒道樂WANAKA亦係當地人嘅最愛。店舖提供四種唔同類型嘅醬汁，更提升咗章魚嘅美味！

呢個係指17世紀70年代中期，浮世繪畫家－歌川豐春所繪製嘅大阪天滿宮天神祭嘅浮世繪（木版）版畫。呢幅美麗嘅作品，描繪咗每年舉行嘅天神祭期間嘅天滿橋景色。

歌川豐春嘅作品描繪天満天神夜祭，滿載音樂家同舞者嘅船隻，正要從呢座以燈籠裝飾嘅橋下通過。呢座橋映襯著一片星光熠熠嘅墨黑色天空。呢張美麗嘅作品令人驚嘆，令藝術愛好者欽佩。

大阪天滿APA呢間商務酒店位於天滿站嘅步行範圍內，交通便利。客房設施齊全，比你舒適嘅住宿，並設有禁煙同吸煙客房。

酒店有露天浴池及帶有桑拿嘅大型公共浴室，客人喺觀光一整天後可以好好放鬆一下。你可以喺酒店內嘅餐廳享用一頓美食，亦可以去酒吧飲噃杯。

房價非常實惠，單人房間每晚3,500円，雙人房間每晚8,840円不等。

從天滿站到新大阪站非常容易，唔需要花費太多時間。乘搭大阪環線前往大阪站，然後再乘坐東海道・山陽線前往新大阪站。大約10分鐘，160円。