享受大阪嘅夏季活動

大阪嘅夏季有好多有趣嘅活動。從音樂節、大阪大學嘅暑期課程、天神祭、煙花大會等都有，迎合各種各樣嘅人。今次小編就要帶大家了解更多關於大阪夏季活動嘅內容。

Summer Sonic音樂節大阪場：日本規模最大嘅音樂節之一

你係唔係搖滾音樂愛好者呢？鐘意西方搖滾音樂，定係鐘意日本搖滾音樂呢？如果係嘅話，可以去參加Summer Sonic夏日音樂節，呢個係日本首屈一指嘅搖滾音樂節，有來自西方國家嘅著名樂團，亦有日本嘅樂團，從主流到另類、流行音樂到電子音樂都有。

Summer Sonic通常係為期2日嘅活動（有幾屆為期3日），同時喺兩個地方舉行：千葉同大阪。表演團體會分成兩組輪流喺兩地表演，兩地嘅樂迷都可以觀賞到。所以其實唔洗跑兩場都得，除咗少數樂團可能只會喺其中一個會場表演。

大阪會場：舞洲SONIC PARK(舞洲運動園區)

Summer Sonic夏季音樂節嘅大阪場通常喺舞洲運動園區舉行。音樂祭期間，場地稱為舞洲SONIC PARK，設置幾個唔同嘅舞台，唔同嘅音樂家或樂團將喺唔同嘅舞台同時進行表演。

出發之前，請務必確認要觀看嘅樂團將會喺邊個舞台上演出。

相關資訊

• 名稱: 舞洲運動園區
• 地址: 大阪市此花區北港綠地2丁目2-15
• 交通方式: 
• 自JR環狀線「西九條站」轉乘市營巴士81路往「舞洲運動園區」方向，乘車時間為35分鐘；
• 自JR環狀線「西九條站」轉乘JR櫻島線（夢咲線），喺「櫻島站」落車轉乘Active巴士，乘車時間為15分鐘

大阪大學暑期課程

如果你將來可能會前往日本任何一間大學留學，揀選嘅係英語授課課程，但仍然希望提高自己嘅日語能力，大阪大學會提供暑期日語課程。課程名為J-ShIP，“日本語短期課程”。

J-ShIP夏季課程嘅目標係初學者，希望達到相當於JLPT日文檢定N4級嘅程度。本課程一個班級約15名學生，每日2至3節課，有功課需要提交，係同大阪大學嘅學生合作嘅日間課程。

住宿費包含喺課程費用中，從6月中旬到8月中旬，課程費用約為26萬日元，為期2個月。學生亦可以選擇寄宿家庭，寄宿家庭距離大阪大學箕面校區約30-60分鐘路程。

此外，暑期課程期間，有一個選修嘅過夜校外教學旅行，學生可以體驗日本文化、欣賞美麗風景，同時練習日文。

相關資訊

• 名稱: 大阪大學箕面校區 (暑期課程上課地點)
• 地址: 大阪府箕面市粟生谷東8-1-1
• 交通方式: 大阪單軌電車彩都線彩都西站落車，往西步行15分

大阪嘅夏日活動

除咗音樂節同大學嘅進修課程，大阪嘅夏日仲有好多可以享受嘅活動，包括觀光、繡球花園、大阪美食。以下要為大家介紹大阪夏季先至有嘅活動。

天神祭

天神祭，字面翻譯為「神嘅節日」，大阪天滿宮供奉嘅學問之神會喺呢個時候出巡，巡視一下大阪嘅城市繁榮。天神祭係日本三大祭典之一。如果7月25日喺大阪嘅話，咁就一定要嚟參加一下天神祭。抬神轎嘅隊伍，一路從陸上遊行到水面，乘搭沿著大川河巡航嘅船；仲會有2個鐘嘅煙花表演，街上亦有多個小食攤。

相關資訊

• 名稱: 大阪天滿宮

• 地址: 大阪府大阪市北區天神橋2-1-8
• 交通方式: 南森町站落車步行5分鐘；JR大阪東西線大阪天滿宮站落車步行5分鐘

道頓堀川萬燈祭

晚上前往道頓堀川，兩邊盡係閃亮亮嘅廣告牌同霓虹燈裝飾。夏季嘅7、8月，800米嘅道頓堀河畔步道同河面，會有大約1300個燈籠點亮。

相關資訊

• 名稱: 道頓堀河畔步道
• 地址: 大阪市中央區道頓堀
• 交通方式: 地下鐵、近鐵、南海「難波站」步行5分鐘

淀川煙火大會

如果想欣賞精彩嘅煙花，大約喺8月初，通常係第一個星期六，前往大阪淀川河川公嘅淀川煙花大會。晚上7點40分至8點40分會施放大約1個鐘煙花表演。

呢個表演非常熱門，建議儘早抵達現場，先至有好位置享受淀川煙火大會。

相關資訊

• 名稱: 淀川河川公園
• 地址: 大阪府大阪市淀川區
• 交通方式:
• 梅田會場：從JR 大阪站，阪急梅田站、阪神梅田站或地下鐵梅田站步行15分鐘
• 十三會場：從JR 塚本站、阪急十三站步行15分鐘