去日本環球影城 USJ 盡享刺激遊樂設施

日本環球影城（Universal Studios Japan，簡稱USJ），喺主題樂園、娛樂設施界方面有舉足輕重嘅地位，所以一直以嚟都有來自日本國內外嘅遊客去玩。主要以「帶給你世界頂級娛樂」為理念，將唔只荷里活嘅熱門電影，仲有全球各種受歡迎嘅娛樂項目作為主題，提供各種令遊客玩得開心嘅遊樂設施、表演、季節性活動等，令個個嚟到都可以得到一個開心好玩嘅難忘體驗！

去日本環球影城（USJ）有咩好玩？

去USJ必玩嘅地方！

自2001年開幕以來，一直不斷改進革新。近年更開發咗一個又一個世界頂級娛樂設施，由極度受歡迎嘅「哈利波特魔法世界™」、於「侏儸紀公園™」上空飛翔嘅「飛天翼龍」過山車，到超人氣「小小兵樂園（Minion Park）」入面嘅「迷你兵團調皮百厭乘車遊」俾你飛身投入翻天覆地Minions世界、等等等等！喺呢度有多種不斷更新、改進嘅娛樂等緊你！

「哈利波特魔法世界™」帶你進入魔法世界（The Wizarding World of Harry Potter™）

「飛天翼龍」一飛衝天去！（The Flying Dinosaur）

小小兵樂園（Minion Park）＆迷你兵團調皮百厭乘車遊（Despicable Me Minion Mayhem）俾你同Minions開心玩遊戲

任天堂主題園區（SUPER NINTENDO WORLD）

喺日本環球影城首創「任天堂主題園區」，以紅遍世界嘅任天堂遊戲人物同其世界觀作為主題嘅園區要登場啦！開放時期預定喺2020年東京奧運開幕前。

「任天堂主題園區」係一個重現任天堂中嘅人氣角色、遊戲嘅世界觀嘅園區。2層樓高嘅複合式園區內會有同其他園區唔同嘅機動遊戲，娛樂設施，互動體驗、商店、餐廳。

日本環球影城（USJ）入場門票有咁多種，買邊種好？

日本環球影城購買門票攻略

要做到更有效利用最多時間去玩USJ，就要揀啱邊張最適合自己嘅門票去玩啦。雖然當日都可以喺售票處買到門票，但想更節省排隊時間，建議可以事先買好門票，喺香港嘅旅行社、指定嘅旅行網頁網頁都可以買得到吖。

門票可以咁樣組合：首先要買入場嘅「入場券（影城入場券）」嘅1日票、1.5日票同2日票，如果想縮短排隊時間另加快證（環球Express門票）。票價詳情如下：

＜入場券（影城入場券）＞

1天周遊券：

小童（4～11歲）：5,200円起（含稅）
成人（12歲或以上）：7,600円起（含稅）
長者（65歲或以上）：6,800円起（含稅）

1.5天周遊券：

小童（4～11歲）：8,600円起（含稅）
成人（12歲或以上）：12,600円起（含稅）
※規定於第一日15:00後進場及第二日全天可使用

2天周遊券：

小童（4～11歲）：10,200円起（含稅）
成人（12歲或以上）：15,000円起（含稅）
※可連續2天使用

＜環球Express門票（Universal Express Pass＞

環球Express門票 4 ~Standard~ ※可體驗4個遊樂設施
環球Express門票 7 ~Standard~ ※可體驗7個遊樂設施（哈利波特魔法世界™ 地圖確保入場。如果有興趣的話就要預早買，因為小心好易售罄。）

景點資訊

景點名稱：日本環球影城（Universal Studios Japan）
營業時間：根據日子及季節而有所不同。詳情請遊覽官方網頁確認當日時間。
地址：大阪府大阪市此花區櫻島2-1-33
交通方法: 環球城車站步行1分鐘即到

實惠價錢入住日本環球影城附近嘅酒店

日本環球影城™ 園前酒店（The Park Front Hotel
at Universal Studios Japan™）

如果你唔太在意住宿價錢，想盡量住近日本環球影城嘅話，咁日本環球影城™ 園前酒店就好適合你啦。就正如酒店個名，喺USJ正面行1分鐘就到啦。

酒店有以「Trip to the USA」作為主題嘅客房、亦有可以睇到樂園全景嘅客房。等你玩完一整日返到酒店都可以繼續沉浸喺日本環球影城嘅氣氛之中。

酒店資訊

酒店名稱：日本環球影城™ 園前酒店（The Park Front Hotel at Universal Studios Japan™）
地址：大阪府大阪市此花區島屋6-2-52
交通方法：環球城車站步行1分鐘即到

THE SINGULARI HOTEL & SKYSPA at UNIVERSAL STUDIOS JAPAN™

同「園前酒店」一樣，呢間酒店同好近USJ同車站，但係有一點最唔同嘅就係擁有日本「和」式風格。所有客房內都有融合日式和風同現代時尚為一嘅sofa。房間設計唔止帶出奢華氣息，仲著重喺功能性上㗎。

另外，酒店仲會提供使用運動服材料所製成室內衣服俾住客使用。客人可以著呢件舒服嘅衫褲、拖鞋等喺酒店館內活動，可以輕輕鬆鬆住返晚！

酒店資訊

酒店名稱：THE SINGULARI HOTEL & SKYSPA at UNIVERSAL STUDIOS JAPAN™
地址：大阪府大阪市此花區島屋6-2-25
交通方法：環球城車站步行1分鐘即到

去日本環球影城 USJ 盡享刺激遊樂設施

去日本環球影城（USJ）有咩好玩？

去USJ必玩嘅地方！