熱門嘅大阪梅田區

大阪北區嘅梅田係日本第二大都市中一個繁忙商業區。過去幾年入面，大阪梅田地區經歷咗一次復興，成為多個景點及熱門餐廳嘅所在地。

大阪梅田概要

要體驗大阪呢座城市，一定要了解一下梅田區。梅田係梅田站同大阪站周圍嘅一個小區域。該地區有好多摩天大樓，係大阪一個商業中心，有各式各樣嘅商店與餐廳，方便遊客觀光。

大阪站為大阪主要車站，東海道本線嘅最後一站，亦係大阪 - 京都 - 神戶大都市之間嘅主要交通樞紐。但係，東海道新幹線喺大阪只有新大阪站，並非大阪站。另外，大阪環狀線亦經過大阪站，令旅客可以輕鬆前往大阪大部分地區。

轉車去兩個梅田站其中之一，可以進入大阪其他地方。營運嘅係私人鐵路公司，阪神電鐵、阪急電鐵及大阪市營地鐵。阪急電鐵上有通往神戶、兵庫與京都嘅線路，佢係替代JR嘅一個好路線。

住喺大阪梅田嘅酒店，唔單止可以方便你探索大阪，仲可以前往廣大嘅關西地區旅遊。此外，日本美食以及大阪最好嘅酒吧更加係隨處可得。

「東橫INN大阪梅田東」係一間地理位置極佳嘅酒店，方便你喺大阪市中心周圍行。住宿費用平均每晚8,000円，提供免費日式早餐，客房內有電影點播服務。入住時間為16:00後，退房時間為10:00前。

如果你嚟到梅田，一定要嚐試其中一間美食餐廳。距離大阪站幾分鐘步行路程嘅「千房」，可以食倒大阪最著名嘅菜餚之一「大阪燒」。喺「千房」，店員會為你製作大阪燒嘅所有食材，你可以喺餐桌上嘅鐵板上自己煎大阪燒。此為一個珍貴嘅大阪旅遊體驗。

此外，仲可以喺「しゃぶ亭西梅田店」品嚐源自大阪嘅日式涮涮鍋。涮涮鍋為一種日式火鍋，將肉片放入鍋裡涮一下，燙熟後食用。喺「しゃぶ亭西梅田店」可以叫牛肉或豬肉套餐涮涮鍋。