聳立於關西地區最大城市・大阪嘅大阪城於西元1583年開始建造，但一度於1663年損毀，隨後再於1931年重建，並成功於1997年恢復其昔日光輝。大阪城係日本歷史里程碑，與名古屋城、熊本城並稱日本歷史上三名城，同時亦係百大名城之一。近幾年，大阪城更被封為「日本三大夜城」之一，係大阪之旅絕對唔能夠錯過嘅必去景點之一！
※註：下文出現之「大坂」為「大阪」舊名
關於大阪城
大阪城擁有一段非常動蕩嘅歷史—最初於1583年由日本戰國時代著名武將豐臣秀吉建造，當時豐臣秀吉為抗衡織田信長於琵琶湖東岸嘅安土城，於是試圖以大阪城為據點統一日本。1597年大阪城落成，豐臣秀吉成功超越織田信長安土城，但不幸地喺一年後就過世。
大阪城其後由豐臣秀吉之子秀賴繼承。豐臣秀賴於西元1614年德川家突襲中成功捍衛城堡，不過翌年1615年夏天，當豐臣家尚在修復第一次襲擊中受損嘅護城河時，德川軍再次來襲並且佔領城堡，終結豐臣家統治並燒毀大阪城，成為歷史上著名嘅「大坂夏之陣」。
「大坂夏之陣」之後，大阪城經歷多次毀壞及重建。最近一次係第二次世界大戰時，大阪城周邊作為武器工廠受到盟軍轟炸摧毀。喺政府及當地企業努力之下，大阪城與周邊地區到1997年先得以成功恢復昔日輝煌，日本政府亦喺同一年將大阪城列為登錄有形文化財。
大阪城天守館藏豐富
現時嘅大阪城天守於1931年建造，並於1995至1997年期間改建。天守距離地面約55米高，整座建築樓高5層8樓，而展望台則設於第8層樓。為防止有人唔小心跌落，所以天守周邊設有防落網，雖然視野稍有被遮擋，不過遊客仍然可以將大阪城公園與大阪市區景色一覽無遺。天守內部所有設施都已經過修復及翻新，同時亦小心翼翼確保歷史遺跡符合規範，包括設置於天守內嘅電梯。
天守內部現時展出咗有關大坂城嘅相關歷史資訊，設備現代卻保留傳統日本風格。城堡歷史及豐臣秀吉相關展覽以外，場內亦有眾多安土桃山時代（約西元1570年至1600年）嘅歷史資料，非常值得一睇。嚟到天守2樓，遊客可以參與收費體驗變裝，化身成戰國時代武將，瘋狂影相打卡！請留意，除咗特定區域歡迎拍攝之外，其他區域一律禁止影相。
大阪城公園佔地遼闊 花卉美不勝收
大阪城所在嘅大阪城公園，係一片佔地約2平方公里嘅綠地。除咗環繞城堡天守嘅堡壘、砲塔、城門、石牆以及保護城堡嘅護城河之外，亦有多個歷史悠久嘅地標及景點。大阪城公園內有2處表演場地—大阪城國際文化運動館與大阪城音樂廳，經常用於舉辦柔道等運動比賽及音樂會、演唱會等活動，假日時更會上映一連串街頭表演，唔少當地人都會選擇到此偷閒放空呢。
人氣賞櫻熱點！氣氛唯美如似畫！
平時遊客駱驛不絕嘅大阪城，每逢賞櫻期間更係水泄不通。作為大阪內一大人氣賞櫻景點，大阪城公園園內種植多達3000棵櫻花樹；若覺得公園內面積太廣闊，則可以前往另一著有名賞花處「西之丸庭園」。西之丸庭園內可以眺望有櫻花作伴嘅大阪城英姿，若再配上夜晚點燈氣氛，場面更加係浪漫滿分！順帶一提，大阪城玉造口亦可以觀賞到遲開嘅八重櫻呢。
坐擁大阪最大梅林 西本日著名賞梅景點
每年1月至3月，遊客都可以喺大阪城公園欣賞到盛開梅花。大阪城公園梅林面積超過1.7公頃，園內栽種超過100種、近1270棵梅花，係大阪最大、亦係西日本地區一大著名賞梅景點。花期集中於2~3月。唔同品種梅花顏色亦不一樣，從白色、淺粉紅到深粉紅都有，色彩豐富梅花與大阪城公園歷史古蹟相映成趣，別具風雅。
大阪城公園與大阪城開放時間
若預計參觀大阪城，區域內各處嘅營業時間根據你想去嘅地方而有所不同。天守閣周邊嘅大阪城公園時常開放，但公園內嘅西之丸庭園開放時間為上午9點起至下午5點（3月～10月）、冬季則開放至4時30分為止。入場時間於閉園時間前半小時截止。
天守閣嘅開館時間為上午9點至下午5點，入館時間至下午4時30分為止。同日本嘅大多數地方一樣，大阪城喺日本新年假期期間（12月28日至1月1日）並未開放。
入場費一般為600日圓，未滿15歲小童可免費入場。此外，必須要係大阪嘅居民先可以獲得年長者折扣。
景點資訊
- 名稱：大阪城
- 地址：大阪府大阪市中央區大阪城1-1
- 開放時間：09:00 - 17:00（最後入館時間為16時30分）
- 定休日：12月28日至1月1日
- 交通：JR大阪環狀線大阪城公園站西口徒步約7分鐘，或JR環狀線森之宮站西口徒步約10分鐘
Comments