作為世界上最大水族館之一嘅大阪海遊館，展現咗太平洋嘅奧秘。位於大阪灣附近嘅海遊館，係造訪大阪時必去嘅景點之一。
大阪海遊館介紹
大阪海遊館內一共有30萬多隻海洋生物，分別展示於館內27個水缸內。大部分嘅物種來自環太平洋火山帶，呢個係一個圍繞太平洋嘅區域，包括從紐西蘭、澳洲、美國到南美洲各地，以及印度尼西亞等國家亦喺環太平洋火山帶上。
海遊館擁有620種海洋生物及魚類，你將能夠體驗倒喺書籍同電影中見過嘅生物。例如企鵝、水母、水獺和簇絨海鸚等都只係海遊館常設展覽嘅620種物種中嘅一小部分。
大阪海遊館館內展覽
大阪海遊館嘅展覽細節令人嘆為觀止。每個展區都經過精心製作，盡力重現各種海洋生物原生土地環境，以確保佢哋以最自然嘅方式生活。
大堡礁展區精心重現咗澳洲東北部嘅珊瑚礁，成為各種魚類能生活嘅自然棲息地。
海遊館當中最大嘅展區係太平洋，深9米、最大長度34米、水量5,400公噸嘅巨大水缸，裡面有鯨鯊、魔鬼魚和雙髻鯊等，係大海中最致命嘅生物。
大阪海遊館相關資訊
當然，你需要有關大阪海遊館嘅基本資訊先可以到達並享受其眾多嘅展覽。就等我哋嚟睇下大阪海遊館嘅門票收費、營業時間同如何購票吧！
門票收費
大阪海遊館嘅入場費用取決於你購買嘅門票類型。16歲以上為2,300円、7～15歲為1,200円、4～6歲兒童票為600円、3歲以下兒童可免費入場。60歲以上嘅長者喺購票窗口出示證件可享優惠價2,000円。
需要特別留意嘅係，大阪海遊館可能會確認你嘅證件以核對年齡。你可以使用信用卡或円現金付款購票，但係現場並無設置ATM自動提款機或外幣兌換處。
營業時間
大阪海遊館嘅營業時間因季節及旺季而異，建議先查看官方網站以了解你預計參觀日期嘅營業時間。大部分日子嘅營業時間為上午10點至晚上8點。但從4月底到10月底，除咗6月同7月當中嘅6個星期以及9月整個月，海遊館嘅開放時間為上午9點半至晚上8點。（最晚入館時間為閉館前1小時）
喺日本公眾假期等旺季、五月嘅黃金周及八月嘅盂蘭盆節暑假期間，大阪海遊館於上午8點半開放至晚上8點半閉館，讓你有更多時間喺夏季時段欣賞眾多展區。
如何購票？
有好多方法可以購買大阪海遊館門票，方便你隨時隨地預訂。最簡單嘅方法係通過授權合作嘅各旅行社網站上預約訂購，會提供你可掃描入場嘅QR碼，省去現場排隊購票嘅時間。網路門票嘅QR碼有效期為180天，僅限購買一日票。
或者，如果你喺無預購門票嘅情況下嚟到大阪，你可以購買「大阪海遊票」優惠套票。你可以喺大阪嘅地鐵站購買倒呢款套票，包含咗可以喺大阪地區無限次乘搭電車及巴士嘅一日乘車券，並且可以持票進入海遊館參觀，仲可以享受其他合作觀光景點嘅優惠折扣。大阪海遊票售價為成人（16歲以上）2,550円，兒童（7～12歲）1,300円。
最後，基本嘅購票方式係喺海遊館入口處購買入場門票，價格請參考上述門票收費。
景點資訊
- 名稱：大阪 海遊館
- 地址：〒552-0022 大阪府大阪市港區海岸通1-1-10
- 交通：從地下鐵中央線大阪港站步行約5分鐘
- 官網：https://www.kaiyukan.com/language/chinese_traditional/
Comments