多半嘅訪日旅客，會經由關西機場到西日本旅行。關西機場位於大阪灣嘅人工島上，係關西地區最大嘅國際機場，亦係最重要嘅交通樞紐。
發現關西機場
關西機場，喺日本又被稱為「關西國際機場」或「關空」，係繼千葉縣成田國際機場同東京羽田國際機場之後，日本第三大嘅國際機場。同時，佢亦係西日本最大嘅國際機場，不只大阪，你仲可以經由呢度前往神戶、京都...等地旅行。
景點資訊
- 名稱：關西機場
- 地址：549-0001 大阪府泉佐野市泉州空港北
- 交通：乘搭JR或南海電鐵於「關西機場」站落車即達
關西機場嘅內部
大阪關西機場每週約有900班航機升降，係全球旅客主要利用嘅亞洲機場之一。由於關西機場位於大阪灣嘅中心，機場全天候開放24小時營業，讓旅客自由進出，因此關西機場兩棟航廈內所設置嘅各項設施及服務嘅營業時間亦很多元，如24小時嘅便利店、餐廳及一系列嘅快餐店。
乘搭關西機場利木津巴士
關西機場嘅利木津巴士係前往大阪繁華市中心嘅主要便利方法之一。你唔單止可以喺大阪車站前搭車，亦可乘搭利木津巴士前往伊丹機場，或傳統嘅京都，亦可前往大阪環球影城以及好多關西其他地方，交通十分方便。
一般嚟講，若從大阪站或附近酒店搭乘巴士，整條路線預計約1個半小時左右，根據你想停留嘅地點，可能需花費約2000円。時間表24小時皆有班次，座位不可預約，先到先得，所以必須確保你預留咗充分嘅時間，避免眼睜睜睇住班機飛走。
如果你從京都出發，大概需花費2個半小時先可到達大阪關西機場。從京都前往關西機場嘅巴士尾班車係晚上10點左右，頭班車就係早上6點。車費約2600円，單程價錢依你上車嘅車站有所不同。
喺關西機場酒店休息一晚
如果你需要喺大阪轉機，且停留時間稍長，建議你可以先住宿喺關西機場酒店，令你嘅旅程更加過得舒適，充分休息之後再繼續你下一趟航程。
日航關西機場酒店 (Hotel Nikko Kansai Airport)
日航關西機場酒店與關西機場第一航廈相連，通過中央空橋短短一分鐘即可前往，櫃台24小時開放提供貼心嘅服務。酒店設有餐廳、浴室、商務中心以及免費嘅按摩服務，住宿呢間酒店，你將可享受前所未有嘅舒適及便利。
酒店資訊
- 名稱：日航關西機場酒店 (Hotel Nikko Kansai Airport)
- 地址：大阪府泉佐野市泉州空港北1番地
- 交通：從第一航廈通過中央空橋即可抵達。
星際之門關西機場酒店 (STAR GATE HOTEL KANSAI AIRPORT)
坐享優美嘅大阪灣景色，星際之門關西機場酒店係一個便利嘅住宿地點，靠近人工島。其位置喺臨空城車站，位於知名嘅臨空城購物中心內。星際之門關西機場酒店內有美容salon、健身俱樂部、以及六間各有風味嘅餐廳，位於視野良好嘅50樓以上。另外，仲提供免費接駁巴士接送客人前往關西機場。
酒店資訊
- 名稱：星際之門關西機場酒店 (STAR GATE HOTEL KANSAI AIRPORT)
- 地址：大阪府泉佐野市臨空往來北1番地
- 交通：從臨空城站前往步行約1分鐘
關西機場華盛頓酒店 (Kansai Airport Washington Hotel)
關西機場華盛頓酒店同樣位於臨空城站附近，從酒店步行約6分鐘即可抵達美麗嘅大阪灣海灘。酒店內設有24小時營業嘅便利店、以及自助餐餐廳，提供三種不同國際美食任君選擇，另外亦提供房客免費接駁巴士前往關西機場。
酒店資訊
- 酒店名稱：關西機場華盛頓酒店 (Kansai Airport Washington Hotel)
- 地址：大阪府泉佐野市臨空往來北1-7
- 交通：從臨空城站前往步行約3分鐘
往來關西機場和京都之間
往來關西機場和京都之間嘅旅程十分簡單。有各種交通工具可供選擇。上述段落提到利木津巴士，以非常合理嘅價格，約2600円左右即可抵達古都京都。雖然喺日本，乘搭巴士係好優惠嘅選擇，但係JR西日本特急列車「HARUKA」號為你提供更好嘅服務，讓你暢遊大阪及鄰近地區。
JR西日本針對前往日本旅遊嘅旅客，提供咗一組「ICOCA & HARUKA」嘅套票，呢組套卡可乘搭關西機場、新大阪、京都嘅關空特急列車「HARUKA」號，亦係ICOCA嘅IC交通卡，票價已含充值金額，可以喺關西地區乘搭JR、地鐵、私鐵及巴士各種交通工具。
單程到京都嘅特別套票價格為3600円，其中1500円充值於ICOCA卡，500円為按金，當你喺關西機場JR西日本窗口辦理退卡手續時，會將500円按金退還給你。另外，此套票嘅來回型限定於關西機場販賣，購買來回型套票可獲得特別版嘅ICOCA卡，票價為5200円，另外，來回型套票內含嘅「HARUKA」號乘車券有效期限為票卡初次使用嘅14日之內。
如果你已經持有一張ICOCA卡，亦可單獨購買「HARUKA折扣乘車券」，單程票價為1,600 円，來回型為3,200円。請注意，購買此套票必須持有外國籍護照，及符合日本短期停留之資格。
Comments