2005年日本第3處被列為世界遺產嘅知床半島，坐落喺北海道東部，係世界緯度最低嘅海水結冰季節海水區域。進入冬天，喺黑龍江形成嘅流冰慢慢南下，於1月下旬左右靠近知床半島，慢慢咁填滿鄂霍次克海。而且，喺呢度能夠觸摸流冰、喺流冰上行走、甚至仲可以潛水呢。下面要介紹流冰季節喺知床地區嘅玩法。
只有流冰季先可以體驗嘅「流冰漫步」
喺一年當中，只有一個月左右嘅時間可以體驗「流冰漫步」，而且呢個係只有北海道東部嘅鄂霍次克海先體驗得到。流冰本身就係好罕見嘅存在，依家竟然可以喺上面行走，係一件幾咁不可思議嘅事啊。
不僅行走喺流冰上，仲可以穿著乾式潛水防寒衣橫躺喺流冰上，或者跳入海入面同流冰一齊浮浮沈沈。如果運氣好嘅話，話唔定仲可以睇到虎頭海鵰喺天空飛、流冰天使「裸海蝶」喺海中游水。想唔想試吓喺雄偉嘅鄂霍次克海流冰上，以全新角度體驗大自然嘅奧妙呢？
景點資訊
- 名稱：流冰漫步
- 時期：2月1日–3月31日 (依據流冰靠岸狀況、流冰動態或天氣不佳時，亦有可能中止活動)
- 費用： 中學生以上5100円、小學生2600円
- 交通：從JR「知床斜里站」轉搭知床線巴士60分鐘或改搭知床Airport Liner 45分鐘，於「知床(宇登呂)」落車
潛水專家埋嚟睇！！潛入流冰下嘅廣大神秘世界
透過流冰潛水，可以由海中心欣賞到漂浮喺海面嘅流冰與水中生物。然而，想參加呢個特別嘅行程，參加者本人需要持有專門嘅潛水執照。下潛嘅地點則視乎當時流冰狀況挑選，冰面上亦會有工作人員隨時候命，因此可以放心潛水。下潛至水深2米到8米嘅位置，可以安全且安心咁浸沉喺流冰嘅世界中。潛水專家請你務必嚟體驗一下與普通潛水唔同嘅氣氛啊。
景點資訊
- 名稱：流冰潛水
- 時期：1月下旬〜3月（流冰靠岸時期）
- 費用：54,000円起（依各間業者價格有所不同）
- 交通：從JR「知床斜里站」轉搭知床線巴士60分鐘或改搭知床Airport Liner 45分鐘，於「知床(宇登呂)」落車
Comments