距離北海道‧札幌約45分鐘車程、極具歷史風韻嘅港町「小樽」內充滿各種風情嘅街景，係北海道相當受歡迎嘅觀光地。小樽每年冬天都會舉行嘅「小樽雪燈之路」活動，更吸引大批觀光客造訪。浪漫街道「小樽雪燈之路」上呈現出極度夢幻情景，難怪成為當地冬季必去活動之一！
街道被蠟燭燈光點亮 場面極度夢幻！
「小樽雪燈之路」每年都會於2月舉辦、為期10日，活動名稱源自同小樽甚有淵緣嘅作家‧伊藤整嘅詩集《雪燈之路(雪あかりの路)》。活動期間，被雪景包圍嘅街道上會以蠟燭點上燈光，呈現出夢幻情景。街道上到處都會佈滿藝術裝置等佈置，點燈活動會場更多達十數處以上。
近年，「小樽雪燈之路」已成為繼北海道首屈一指知名嘅「札幌雪祭」之後，另一代表性北海道冬季風情。活動期間內，官方會派人每日將每個蠟燭點亮，當燈火熄滅嗰陣就再一個一個親手點亮，人手從當地小學生到長輩都有，義工年齡層相當廣泛。透過市民親手參與，亦令到活動份外充滿人情溫暖呢。
多個特色會場散佈小樽市內
於JR小樽站出閘後，您馬上就會見到「小樽雪燈之路」舉行場地。主會場為「手宮線」與「運河會場」，由於手宮線會場為鐵道舊址，因此喺鐵道迷之間相當出名，係一個散發著安靜且嚴肅氣氛嘅會場。
而小樽運河所在嘅運河會場，則係聞名全世界嘅知名觀光景點。大受遊客歡迎嘅影相位「淺草橋街園」被溫暖且明亮嘅燈光照射，運河上則飄著浮球蠟燭，營造出夢幻場景。散佈各處嘅會場當中，再會細分為每日開放嘅活動會場，以及只限週末或指定日期舉辦嘅活動會場。日子限定嘅會場包括學校、鄰里協會、富岡聖堂、臨海地區等，如果撞啱時間嘅話，記得要去參觀啊～
景點資訊
- 景點名稱：小樽雪燈之路
- 舉辦時間：每年2月
- 地點：小樽運河等
- 交通方式：從JR「小樽站」徒步約8-10分鐘抵達
- HP：http://yukiakarinomichi.org/
Comments