我哋每一個人一生都想保持年輕同健康。
喺呢個系列嘅第二章, 我哋將探討一下日本人長壽嘅秘訣。你可以學習一下日本人喺繁忙嘅生活中用咩簡單嘅方法去保持健康而有活力嘅體魄。
每日習慣
通常都唔會見到日本人喺GYM房健身或者星期六朝早做晨操緩步跑。但實際上佢哋係神奇地活躍㗎。
點解? 因為運動係佢哋生活嘅一部份。
由細細個開始, 已經係行路返學, 踩單車去朋友屋企玩, 擒高擒低玩轉自己嘅地方。
而大人都係踩單車, 或者行路去巴士站, 喺車站行樓梯多於搭電梯。簡單啲嚟講, 就係郁得多。
學校好鼓勵學生去參加校內課外活動。有好多學生甚至一週有幾晚花喺體育活動上。
日本人有個傳統係朝早會去做運動或者玩體育活動, 都係希望一早將血液可以運行全身。 呢個就係叫做廣播體操, 即係每朝跟住收音機播著音樂做拉筋運動。廣播體操係無論咩年紀都好受歡迎, 好多日本長者會朝早聚集喺公園一齊做添。
但其實仲有另一個傳統文化係對維持健康好有作用。
暖身
日本人亦好識得調節體溫。
好多日本長者會提醒你去保持胃部暖和去保持身體健康。好多人覺得消化問題嘅產生係歸咎於凍襯胃部。
所以, 日本人有幾個習慣去幫佢哋維持理想體溫。
首先, 就好似大多數嘅日本人咁, 瞓覺前先沖涼, 而沖完之後就會浸幾分鐘暖水浴。咁樣沖涼後可以保持溫暖咁瞓落床。
而溫泉都唔單只係日本全國國民消遣活動之一, 仲係一個旅遊目的嘅性質添。日本女性會帶埋小朋友連同長者經常去浸吓啲有豐富礦物質嘅泉水去改善健康。
好多人都話浸浴有助 血液運行, 減壓, 舒緩痛楚, 改善失眠。咁唔怪之得日本人咁健康啦。
另一個方法保持健康就係杜絕細菌來襲, 呢方面日本人真係做得好好呀。
保持衛生
好多去日本旅行嘅遊客都會讚嘆日本嘅乾淨同自律。確實喺日本隨地掉垃圾同整污糟公眾場所係一個好失禮嘅行為, 而且有好多日本人都會好認真對待。
例如車站嘅職員都會定期清潔洗手間或將電梯,樓梯同車箱消毒。或者都會見到啲店鋪嘅人去門外掃地同偶爾執拾垃圾。
每日都有咁多人行過, 呢啲行為都有助清除細菌。而少啲細菌又可以製造一個健康啲嘅環境。
而且有患感冒或者發燒嘅日本人都會戴口罩去避免細菌擴散造成更多人受感染, 特別人口稠密嘅東京 。
口罩喺日本都好易買得到。甚至喺冬天或者流感高峰期你會經常見到添。
老年時都保持活力十足
日本人就算到咗老年時期都唔會改變健康生活習慣。
長者喺日本最想就係保持活力。你會成日見到啲老者情願拎住手杖出街自力上巴士或行山, 都唔願承認「年紀大機器壞」。
長者亦好鍾意相約一齊做啲唔激烈嘅運動同去溫泉旅行。
日本人被視為工作狂, 有啲長者直程唔想退休, 想繼續工作或者做義工直到做唔到為止。不過咁樣亦有助頭腦同體魄維持長久良好嘅狀態。
仲有呀, 日本長者都好享受砌puzzle(拼圖)同玩一啲活用頭腦同防止老人癡呆嘅遊戲添。
睇完篇文章你有無受到咩啟發咁呢? 有無邊樣你係想試下㗎?
Comments