函館位於日本北海道南部嘅位置，人口約為27萬，排喺札幌、旭川之後嘅第3大城市。距離東京嘅直線距離約為700公里。平均氣溫約為10度，寒冷乾燥，亦無梅雨，幾乎唔會受颱風嘅影響。北、東、南三面環海，一年四季都可以品嚐到各式新鮮海產。接落嚟，要同大家介紹春天喺函館嘅賞櫻去處與氣候、衣著要點。
函館嘅氣候 春天≠溫暖
一般而言，日本進入4月後會開始回暖，但函館依舊寒冷，仍需做好抗寒措施，所以不妨喺行李箱內準備大衣同厚外套，就可以放心玩樂。3月嘅函館平均氣溫為1.4度，市內好多地方開始溶雪，進入4月嘅平均氣溫為7度左右，函館山上美麗嘅花朵開始綻放。4月下旬到5月中旬，櫻花盛開，呢個時候就會有好多人外出賞櫻。
5月嘅平均氣溫為11度左右，雖然唔會出現零度以下嘅氣溫，但晚上嘅溫度幾乎都喺10度以下，建議喺戶外活動時要穿著皮褸或薄大衣。白天可以脫下外套。另外，亦建議攜帶縮骨傘喺身上，以防突如其來嘅天氣轉變。因此，請多加留意，函館嘅春天不等於溫暖啊。
爬上五稜郭塔 眺望五稜郭公園星型櫻花
星形城郭「五稜郭跡」位列為國家特別史跡嘅「五稜郭公園內」。從4月下旬開始園內約1600棵染井吉野櫻會一齊綻放，係著名嘅賞花景點之一。除咗櫻花之外，亦能欣賞到紫藤、杜鵑、睡蓮等。各個季節都可以睇到唔同嘅美麗景色，係呢度悠閒散步。喺地面上賞完花之後，亦推薦攀上五稜郭塔，由展望台欣賞五稜郭城跡，可以睇到星形城郭邊圍住一圈盛開嘅粉色櫻花呢。不妨試吓由地面同高檯兩處欣賞五稜郭嘅櫻花吧。
景點資訊
- 名稱：五稜郭公園
- 地址：北海道函館市五稜郭町44番地
- 開放時間：4月-10月 5:00-19:00 /11月-3月 5:00-18:00(全年無休)
- 入場費：免費
- 交通：從JR「函館站」乘搭市電於「五稜郭公園前」落車後步行約18分鐘
景點資訊
- 名稱：五稜郭塔
- 地址：北海道函館市五稜郭町43-9
- 開放時間：4月21日-10月20日 8:00-19:00/10月21日-4月20日 9:00-18:00
- 門票：成人900日圓、高中生680日圓、小學生450日圓、學齡前兒童免費
- 交通：從JR「函館站」乘搭市電於「五稜郭公園前」落車後步行13分鐘
土方歲三現身！？「箱館五稜郭祭」重現戊辰戰爭情況
為咗將戊辰戰爭(1868年 - 1869年)舞台嘅五稜郭相關歷史傳遞給後代，每年5月中旬喺函館會有為期2日嘅「箱館(Hakodate)五稜郭祭」。前往與箱館戰爭有淵源場所嘅巡禮「碑前祭」，或者飾演喺函館畫下人生句點嘅新選組副組長．土方歲三嘅「土方歲三全國競賽」，以及扮演戊辰戰爭當時舊幕府軍與軍官嘅「維新大隊‧音樂遊行」，仲有重現交還五稜郭情況嘅「開城儀式」等活動。對於新選組歷史有興趣嘅人，請務必將此活動列入行程啊。
活動資訊
- 名稱：箱館五稜郭祭
- 時間：5月中旬
- 地點：五稜郭公園周邊
- 交通：從JR「函館站」乘搭市電於「五稜郭公園前」落車
Comments