排球呢項運動, 我諗大家喺學生時代都應該有接觸過。學校嘅體育課除咗籃球之外, 排球都應該經常有玩, 而排球都係小編學生時代最常玩嘅運動嚟㗎! 仲記得落堂之後嘅排球場, 總會聚集鍾意打排球嘅師姐們, 就算唔同科, 只要落堂後一到球場, 喺球場上嘅波友們都會即刻大嗌你個名叫你快啲落場加入! 就好似透過排球, 大家都組成咗一個大家庭咁。特別係喺我做錯失分時, 同隊嘅隊友都會同你講「唔緊要! 唔緊要!」。嗰時我就意識到, 排球呢項運動嘅團隊精神比起其他嘅運動項目, 會好重視彼此嘅互相信任同團隊凝聚力, 集體嘅精神態度更係可以左右到比賽嘅結果同球賽嘅氣氛添。
排球選手嘅條件
想成為一位職業排球選手, 「身高」係一個好重要嘅先決條件。因為高嘅選手, 比起唔高嘅選手嘅攻勢力嚟講會高啲。同樣地喺防守方面都會比較有利。所以世界上嘅國家女子排球代表隊身高平均喺180米以上㗎! 然而, 排球隊入面都有身高雖然唔高, 但仍舊有一等一嘅實力, 例如前古巴隊女排選手Mireya Luis, 身高只得175米, 但佢有驚人嘅彈跳力, 垂直起跳嘅最高擊球點可以去到3.39米呀！佢嘅球賽至今仍然為人津津樂道呢！
排球係串連國際嘅橋樑
體育活動一直以嚟都好有效於國際交流。一樣嘅國際比賽規則, 嚟自唔同國家嘅選手都可以互相切磋, 走向國際先可以知道自己嘅實力喺世界上係咩程度。所謂人上有人, 天上有天, 每次國際大賽後, 都係選手們再次為自己訂下目標, 精益求精! 2005年出任美國男子排球代表隊嘅教練Hugh McCutcheon, 雖然係紐西蘭出身, 但熱愛排球, 願意遠美國擔任教練。並且喺2008年北京奧運中帶領美國男排隊奪得金牌添! 仲喺2017年第9屆World Masters Games中, 被選為大使代表之一㗎。World Masters Games嘅大使身任大賽嘅國際形象, 同埋要將舉辦國紐西蘭同國際接軌, 可以講係個好重要嘅任務嚟㗎!
下一個同國際接軌嘅好機會嚟喇!
如果你係排球愛好者, 或者係熱衷於排球運動嘅選手, 你一定唔可以錯過2021年喺日本關西舉辦嘅第10屆World Masters Games喇! 嚟自全世界嘅運動好手們, 聚集喺日本關西一較高下! 排球項目嘅舉辦場地係喺日本和歌山縣。對於居住喺亞洲嘅朋友, 去日本參賽或者觀賽都容易得多啦。錯過呢次又要再等4年㗎喇, 仲要唔知要飛去邊個國家先得!
喺選手身上得到嘅勇氣
睇體育比賽之所以令人著迷, 其中一個好大嘅主因就係選手們努力不懈嘅精神, 為咗追求勝利, 不斷地挑戰自我, 呢啲奮鬥唔單只賺人熱淚, 激勵人心, 仲可以令觀眾們得到勇氣, 去勇敢面對自己生命中嘅難關。正面能量需要你我一齊去傳遞開去, 如果你仲未開始關注排球賽事, 而家開始都唔遲呀。
更多「World Masters Games2021關西」嘅資訊，請睇呢邊 👉👉👉 https://www.wmg2021.jp/en/
Comments