嚟到季節交替嘅時節，大家係咪都覺得塊臉乾乾哋又易甩皮呢？早晚溫差大，出入有冷氣嘅地方時都覺得皮膚狀況好唔穩定，呢個時候日本發售嘅幾款唔使插電小型加濕器就成為上班族維持喉嚨同皮膚水潤嘅好幫手喇! 今日就嚟介紹幾款日本好可愛嘅加濕器啦。其中「鬆弛熊」、「角落生物」同埋「姆明家族」嘅新商品都超可愛吸睛，一齊嚟睇吓啦！
日本San-X鬆弛熊同角落生物聯手出擊
每次見到鬆弛熊同角落生物出新商品都會覺得荷包遭受重擊。日本San-X喺今個月發售嘅四款新加濕器當中，有鬆弛熊、小白熊, 仲有角落生物嘅白熊同蜥蜴（真身係條恐龍），四款都非常可愛，好想一次過買唒佢呀! 呢款小型加濕器唔需要插電，只要倒入水就可以自然氣化達到加濕效果，使用上非常安全同環保。可愛嘅白熊擺喺辦公桌張枱上係咪超級治癒先？有可愛嘅鬆弛熊同角落生物陪著你返工心情都靚啲啦! 仲可以順便增加水氣嚟滋潤皮膚，一舉幾得㗎!
產品資訊
- 中文名稱：鬆弛熊／角落生物加濕器
- 日文名稱：リラックマ／すみっコぐらし加湿器
- 產品價格：各款2,160円
姆明家族可愛又治癒
嚟自芬蘭、好受大家喜愛嘅姆明家族同大家都熟悉嘅家用品牌BRUNO合作，推出四款同樣都係唔使插電, 就咁加水就會自然氣化嘅加濕器。主角姆明個萌萌大鼻係咪超可愛呢！呢個系列一上市就好hit，鍾意嘅朋友若果見到有貨就可以買咗先呀。
姆明另外會喺十一月推出「素燒款」加濕器，使用方式同BRUNO呢款單色嘅一樣，鍾意姆明嘅朋友都可以參考一下囉！無論係放喺辦公室定係屋企間房都好適合呀！
產品資訊
- 中文名稱：姆明家族BRUNO氣化式加濕器／素燒款加濕器
- 日文名稱：ムーミン BRUNOパーソナル気化式加湿器／素焼き加湿器
- 產品價格：BRUNO四款各3,024円，素燒款2,052円
BRUNO動物系列加濕器任君選擇
BRUNO陶瓷個人加濕器利用材質本身嘅吸水性同揮發性，將容器入面嘅水氣自然氣化達到加濕效果，唔使插電非常環保，又唔使擔心過多水氣帶嚟潮濕嘅問題。呢篇文章介紹嘅加濕器其實都係呢個原理嚟㗎！
除咗新推出嘅姆明款，BRUNO呢個系列都係用可愛嘅動物作為造型，無論係刺蝟定係鯨魚陪自己返工都返得開心啲喎，快啲佈置一下自己office張枱啦！喺官方網路商店購買嘅朋友仲可以買限定貓頭鷹款添呀！
產品資訊
- 中文名稱：BRUNO動物系列個人加濕器
- 日文名稱：BRUNOパーソナルアニマル加湿器
- 產品價格：五款各2,700円
- 官方網路商店：OFFICIAL SHOP
方便又可愛，換季就唔使再擔心啦!
香港氣候因為比較潮濕，所以一定要小心揀加濕器以免令心愛嘅家具電器受潮。呢種唔使插電嘅環保個人加濕器同一般噴水霧式唔同，有需要嘅朋友可以參考比較吓呀！簡單一個步驟就可以有加濕效果，唔理係鬆弛熊定係姆明都好治癒呀。因為季節交替產生皮膚問題而感到困擾嘅你就快啲為肌膚補充水分啦。喺日本見到嘅時候就好快手買喇！
© 妞新聞 www.niusnews.com
Comments