小樽堺町通：一條充滿風格甜品嘅街道

小樽為北海道北部嘅一個港口城市。如果你係初次造訪小樽，第一站一定要去位於小樽站附近嘅小樽堺町通！佢係一條充滿特色同藝術感嘅街道。

關於小樽堺町通

小樽堺町通長約700米，擁有多個具有歷史意義嘅西洋式復古建築。從建於1913年嘅小樽第一家銀行，到硝子館（玻璃工藝品），你可以喺小樽堺町通搵倒各式各樣嘅商店及建築，甚至仲有一間SNOOPY茶屋呢！

老舊建築很有趣，你可以喺呢度選擇紀念品，豐富你嘅小樽之旅。

堺町通有非常多好玩嘅嘢，可以品嚐多種美味西式甜品。據講佢係一條可以邊行邊食甜品嘅街道。仲有世界著名嘅LeTAO洋菓子舗。有各種各樣西式甜品，例如小巧嘅皇家山峰朱克力、好啱芝士愛好者嘅雙重芝士蛋糕，或者尼加拉白提子朱克力（含酒精）。

除咗LeTao，仲有以其美味鮮奶油泡芙聞名嘅「北菓樓」，充滿厚厚嘅奶油餡料。喺寒天中食一淡甜品，馬上就會暖返身！小樽仲有更多其他甜品店，但呢兩間係必去嘅。

另外，千祈唔好錯過北一硝子館嘅玻璃工藝品。裡面嘅cafe「北一廳（北ホール）」枝形吊燈非常浪漫！女孩子們一定會鍾意喺呢個悠閒嘅地方品嚐咖啡。北一硝子館館內照明由167盞油燈構成，充滿夢幻氣氛。