位於北海道函館有個好出名好受歡迎嘅歷史遺跡，因星型造型相當吸引，加上四季風景皆美，只要去函館玩就一定會列入行程！「函館五棱郭公園」就係建造喺呢個星形西式堡壘內。呢度被指定為特殊嘅歷史遺跡。佢亦係著名嘅幕府最後一戰(箱館戰爭1868~1869年)所在地。呢場戰爭到最後舊幕府軍戰敗，為幕末動亂正式畫上句點。而家「五棱郭公園」係個令人喜愛嘅名朥，可以欣賞四季春櫻、夏綠、秋楓、冬雪嘅獨特景觀，喺隔離嘅五稜郭塔展望台上，仲可以將巨大星形城郭一覽無遺。
五稜郭跡 — 日本第一個西洋城郭
五稜郭係日本百大名城之一，亦係日本國家特別史跡。由江戶幕府於1857年開始建造，1864年完成星形城郭，目的係想成為一座能夠抵禦江戶時代末期西方勢力入侵的堡壘。因城池位處地方本來係濕地，種植咗大量細柱柳，因此亦被稱為柳野城，係日本第一個西洋城郭，但主要建築並無被保留至今。
五稜郭公園 — 免費入場 四季景色宜人
於1910年代，五稜郭公園改建並向大眾開放。公園內種植咗一千棵櫻花樹，遊客可以免費進入參觀。五棱郭公園最受歡迎嘅兩個季節係冬季同春天櫻花季。染井吉野櫻於4月底到5月初開花，吸引咗好多遊客前來觀賞。護城河內區域一般喺4月至10月嘅上午5點至下午7點開放，11月至3月開放至下午6點。
相關資訊
- 名稱: 五稜郭公園
- 地址: 北海道函館市五稜郭町44番地
- 交通方式: 從函館站前乘搭函館巴士25、131、33路線，於五稜郭公園入口落車，步行10分鐘
五稜郭塔 — 俯覽五稜郭星形造型
想將五稜郭嘅星型一覽無遺嘅話，可以登上五稜郭塔。登塔需要購買門票900円(成人票)。塔頂嘅景色非常漂亮，值回票價。除咗觀景外，仲有餐廳同Café可以一邊品嚐熱飲，一邊欣賞美景。1月中旬到2月，根據天氣狀況，從頂塔有機會睇到一片雪白世界。當春天花季，亦可以從塔上俯瞰到一片粉紅色花海！由4月21日到10月20日，五稜郭塔開放時間為上午8點至下午7點；10月21日至4月20日，開放時間為上午9點至下午6點。冬季嘅點燈活動「五稜星之夢」從12月1日左右開始，到下一年2月28日左右結束。參觀點燈需另外購票，點燈於下午5點後開始。
另外，全年都有當地嘅手工藝品展，或藝術展覽等活動。可以到官網check一下最新舉辦嘅活動。
相關資訊
- 名稱: 五稜郭塔
- 地址: 北海道函館市五稜郭町43-9
- 交通方式:
- 乘搭市電「函館駅前」～「五稜郭公園前」落車、步行約15分鐘。
- 乘搭函館巴士「函館駅前」～「五稜郭公園入口」落車、步行約7分鐘。
箱館奉行所
建於五稜郭公園內星型堡壘正中央嘅「箱館奉行所」，係為幕府末期箱館(而家嘅函館)港口開放所設置嘅江戶幕府衙門。建造於安政四年(1857年)，元治七年(1864年)大致上完工。戊戌戰爭後，包括奉行所在內嘅大多數建築物被拆除。2006年正式啓動復原工作，2010年完成。入內參觀嘅門票為500円。
五陵郭亦被稱為柳野城，但主要建築並無保留。於1864年完工，目的係成為一座能夠抵禦江戶時代末期西方勢力入侵嘅堡壘。
相關資訊
- 名稱: 箱館奉行
- 地址: 北海道函館市五稜郭町44番3号
- 交通方式:
- 乘搭市電「函館駅前」〜「五稜郭公園前」落車、步行約18分鐘。
- 乘搭函館巴士「函館駅」〜「警察署前」落車、步行約8分鐘。
Comments