於富良野紅酒工場享用西餐及品嚐紅酒

富良野係北海道中部嘅一個城鎮，有美麗風景，寬闊嘅五彩花田，影相嘅話可以填滿整個鏡頭。喺呢個小鎮仲可以參觀富良野紅酒工場，品嚐用酒莊種植之葡萄釀製成嘅紅酒。

關於富良野紅酒工場

富良野紅酒工場係一座紅磚建築，位於山丘之間，可以欣賞到山谷美景。喺呢度可以了解紅酒製造過程，並免費參觀葡萄發酵嘅酒窖。

可以喺呢度或北海道其他零售店買到紅酒、果汁、果醬及其他葡萄製品。喺呢度有大約3種飲品可免費試飲。如果運氣好，仲可以買到限量稀有嘅富良野冰酒！

仲可以喺富良野紅酒工場享用一頓溫暖嘅西餐。富良野葡萄汁(紅)一瓶售價約為1,620円，一杯嘅售價為464円。甚至仲有限量版葡萄汁（Buffalo），唔加任何糖，可以享受純正嘅富良野葡萄風味！

另外仲有一些套餐選擇，最平嘅係2,106円。套餐內容包括梳士巴利牛扒、小火鍋、飯同咖啡。除咗牛扒，亦可以單點義粉、米飯、咖哩、牛丼、沙律、Pizza等。

有好多方法可以前往紅酒工場，從機場、火車站或港口。最快嘅方法係由最近嘅JR富良野站坐車前往。如果坐特快列車，由札幌站出發需時2個鐘左右。

如果想睇薰衣草田，請於7月或7月下旬前往。

除非另外註明，否則文章中提及嘅價格皆含稅。