北海道網走—係世界自然遺產知床玄關。可能你以前從未聽過網走一詞，如果有，亦好有可能就係與網走監獄有關。網走監獄係一座建造於明治時期嘅監獄，現時已被改建成博物館。至於網走仲有邊啲嘢出名呢？ 當然係流冰啦！網走同時亦係鄂霍次克海流冰觀光破冰船相當出名嘅城市嚟㗎～
網走流冰
通常喺北極同南極先至可以睇到嘅流冰，喺北海道網走都有機會睇到，呢個係一個非常獨特嘅體驗！想欣賞流冰，您可以乘搭專用觀光船網走流冰破冰船「極光號」。如果運氣好的話，仲可以遇見可愛海豹、虎頭海雕、赤狐或其他喺冰上活動嘅極地動物𠻹。
相關資訊
- 名稱: 網走流冰破冰船「極光號」
- 地址: 北海道網走市南3条東4丁目5之1 道之站（流冰街道）
- 交通方式: 從JR網走站嘅巴士站乘搭巴士到 「網走流氷観光砕氷船（極光號乘船處）」，車程約10分鐘。
網走鄂霍次克流冰祭
每年2月中旬於網走舉行嘅，仲有網走鄂霍次克流冰祭。冰祭係一個以流冰為主題嘅祭典活動，壯麗大雪像與冰雕入夜後會被點上七彩繽紛嘅燈光，為極寒世界譜上色彩。除此之外，會場亦會販售以海鮮為主嘅當地名產。活動每年舉辦日期會略有不同，所以將來有計劃前往的話，建議您請事先查看日期。
相關資訊
- 名稱: 網走鄂霍次克流冰祭
- 日期: 每年2月中旬
- 地址: 北海道網走市港町
- 交通方式: 從JR網走站乘搭「觀光設施周遊線」巴士至「流冰破冰船站」落車。徒步大約10分鐘抵達會場。
Comments