喺北海道夏天享受最好嘅富良野

富良野擁有豐富自然資源，係遊客度過夏天嘅好地方。唔止係咁，夏日嘅富良野仲有好多美麗嘅花田，最出名嘅當然就有當地人與外國遊客都紛紛朝聖嘅薰衣草園啦！遊客可以喺富良野內享受多款戶外活動，好好享受呢片土地所擁有嘅豐富自然資源。

夏天嘅富良野

富良野係北海道中部嘅一個城市，擁有豐富自然資源。富良野內有好多嘢特色都值得一睇，但由於暖和嘅時間好短，夏季同其他3個季節相對較長，因此夏天就成為享受富良野嘅最佳季節。最重要嘅係，富良野亦因其眾多薰衣草田而聞名。薰衣草會喺七月盛開，推薦你趁呢個時候花時間探索富良野，並喺夏季享受大自然嘅每一項活動。

富良野溫度比北海道南方更凍。日頭平均溫度為攝氏19到24度，夏天唔會好熱，亦唔會好涼，氣溫適中，喺富良野可以度過美好嘅一天。著悠閒嘅夏季服裝係OK嘅，但到咗夜晚，可能會有啲凍，如果夜晚外出嘅話就要著返多啲衫喇。

想從上空欣賞富良野景色？夏季期間從5月初到10月初，一於就透過「TOUR GUIDE ASOBIYA」預訂熱氣球導遊飛行啦！熱氣球會從地面升到半空30米高，讓你雙眼盡情享受富良野廣闊土地美景，屆時亦可以睇到遠至十勝嘅美景，成人每位只需2700円。

如果擔心身處高海拔地區，同怕坐熱氣球飛行嘅風險，你大可以放心。因為ASOBIYA嘅飛行員已經完全通過認證，並具備駕駛熱氣球同飛機嘅經驗。熱氣球被地面上嘅4根繩索牢牢繫住，如果您仲擔心未有足夠安全保證，佢哋仲會為乘客提供保險。

ASOBIYA提供2種唔同嘅飛行體驗：早上飛行同黃昏飛行。早上飛行係6點到7點（6月初到10月初），黃昏飛行係下午6點半到晚上7點（7月初到9月中旬）。每次飛行時間為5分鐘，去之前記住要先同ASOBIYA聯繫，並喺抵達前查詢飛行狀況。如果天氣唔好，熱氣球飛行體驗將會被取消。

由於熱氣球喺草地上運行，建議穿上長袖長褲，以免被蚊叮蟲咬。

「北海道肚臍祭」係一個每年7月28日同29日舉行、由人們露出肚皮喺街頭共舞嘅節日。

呢個祭典始於1969年，喺富良野舉辦嘅獨特節日，目的為團結富良野人民、提升活力同精神。祭典最初從細規模開始，並無太多人參與，但到咗現時，「北海道肚臍祭」已經成為北海道著名嘅夏季節日之一，吸引好多日本人同海外旅客參加。

肚皮舞唔單單係向公眾展露肚皮，而係將佢哋畫成一張臉。「北海道肚臍祭」嘅主要元素係幽默，所以您會睇到極富創意嘅肚皮畫，肚皮舞都可以一種獨特、好玩又有趣嘅玩意，而且祭典期間仲有各類活動同比賽炒熱氣氛𠻹。

遊客仲可以花2000円享受另一種樂趣—就係為自己購買「北海道肚臍祭」套裝，唔單止著完可以帶返屋企，仲可以得到同現場嘅大家一齊跳舞同歡笑嘅難忘回憶㗎。

富良野亦以戶外活動而聞名。冒險精神係呢個領域嘅一大亮點。喺流經富良野市嘅空知川上，你可以體驗泛舟同獨木舟（附導遊），而河流嘅一部分亦設有划艇體驗。除咗水上活動，您仲可以喺當地參加電動滑翔傘，由專業飛行員會陪你一齊飛翔、從空中眺望富良野市。

如果想玩比較簡單嘅戶外活動，可以租單車沿著富良野參觀富良野嘅農場同花園。其中部分設施會提供客人挑選薰衣草、果醬製作嘅體驗，以及其他農業體驗。

想享受慢活嘅讀者，亦不妨可以透過野餐或露營嚟好好享受富良野美好嘅夏天呀！