大家都知100円店「Daiso」集結咗好多只賣100円嘅商品，從廚房用品、文具、零食同園藝用品等各式各樣嘅商品。又平又靚嘅商品, 吸引嘅唔只係日本當地人, 仲好受外國遊客歡添。喺呢間舖入面, 除咗可以買到你自己嘅心頭好, 仲推薦買啲好有日本風格嘅商品當做手信咁送俾親朋親戚友添。今次就想介紹啲好適合做手信嘅日式小物, 就算血拼完都可以輕鬆擺落喼嘅商品啦。
以假亂真嘅壽司模型磁石
呢個係個外形激似真實壽司嘅磁石。壽司模型後面痴咗磁鐵, 可以貼喺雪櫃或者白板作為裝飾。壽司料嘅油亮光澤同醋飯嘅米粒都一粒粒好真實咁呈現，真係同實物似到十足十! 除咗紅肉以外，仲有三文魚、蝦、吞拿魚背腹肉等多款受歡迎嘅壽司，好好挑選出贈送嘅對象可能鐘意嘅壽司種類啦！
彷真度好高! 咖哩飯, 雪芭等獨特鎖匙扣!
將日本人氣嘅咖哩飯、雪芭等美食甜點製作成鎖匙扣！特別一提咖哩飯嘅飯係一粒一粒咁呈現, 細粒而且合返比例細細粒咁好似真嘅一樣。Size方面作為鎖匙扣可能大咗啲, 但都可以作為裝飾咁吊喺個袋, 手機或者行李喼度都得添。可以吸引唔少途人目光呢。
夾好留言紙條、充滿回憶嘅相同明信片！清涼嘅金魚同招財貓造型嘅「MEMO夾」
睇落去清涼可愛嘅藍色金魚、同黑白招財貓造型嘅MEMO夾。可以用嚟夾住旅遊嗰陣買嘅明信片、門票、傳單等，當作室內裝飾都唔錯呀。用嚟夾一啲事先記低嘅事物或者係留言都非常實用。無論邊一款都輕便小巧，可以塞入行李入面嘅罅位添啦。配搭繪有日本觀光景點嘅手繪明信片一齊送俾人都唔錯喎！
Comments