充滿異國情調嘅「小樽」，坐落喺北海道西南部嘅港口城市，從札幌搭電車約30分鐘即可抵達。除咗知名嘅小樽運河，去小樽市綜合博物館，更加可以一次過了解小樽及北海道嘅過去與現在，下面要同大家介紹小樽綜合博物館究竟有乜嘢睇。
北海道內仍行駛最古老動態蒸汽火車：小樽市綜合博物館本館
小樽市綜合博物館內展示北海道嘅歷史、科學、交通等，鐵路方面展示亦相當豐富。館內展示嘅蒸汽火車SL靜號，曾活躍於明治時代，另外仲有數位星象儀與全景立體模型等。另外，喺博物館用地內行駛嘅Iron Horse號，為北海道內所保存最古老嘅動態蒸汽火車。入場者亦能實際乘搭感受奔馳感。
門票價格方面，成人為400円，高中生等為200円，中學生以下免費，從11月上旬到4月下旬設有冬季門票價格，成人為300円，高中生為150円。週二休館，若適逢公眾假期則順延至翌日。
景點資訊
- 名稱：小樽市綜合博物館(本館)
- 地址：北海道小樽市手宮1丁目3番6號
- 交通：從小樽站前巴士總站乘搭巴士約10分鐘至「綜合博物館」站落車。
- 開放時間：9:30~17:00
於歷史悠久的建築物內了解小樽市歷史與自然環境
「小樽綜合博物館 運河館」位於距離本館不遠處嘅小樽運河沿岸。該館利用於1893年建造、小樽市指定歷史建築物「舊小樽倉庫」嘅一部分，展示小樽市歷史與自然環境。館內有約2萬件館藏，分咗兩個展示室，第1展示室解說小樽嘅歷史等，第2展示室則介紹有關小樽動植物等嘅自然環境。第1展示室更以實物大小重現小樽最繁華嘅明治時代與大正時代街景，能親身感受當時嘅繁華情況。
門票價格方面，成人為300円，高中生等為150円，中學生以下免費。
景點資訊
- 名稱：小樽市綜合博物館(運河館)
- 地址：北海道小樽市色内2丁目1番20號
- 交通：從JR「小樽」站往小樽運河方向步行約10分鐘
- 開放時間：9:30~17:00
Comments