舊車擁有現代車無嘅特別之處。要點樣製作汽車先可以，車形要點整先可以減低空氣嘅阻力同提高安全性，以及點先可以以低價製作高性能汽車等等，由於當時汽車技術嘅方向性仲未固定，車輛嘅款色設計比起現代簡直係多姿多彩。另外，同為咗配合高度大量生產系統嘅現代車唔同，老式舊車大部分都擁有獨特嘅美感設計。今年8月舉辦咗Automobile Council 2018，而呢個活動已經舉辦咗第三次。透過日本工廠嘅高超修復技術，將具有歷史性嘅汽車鹹魚翻身猶如一部部新鮮出爐嘅新車，令到在場者都興奮無比。
約8000万日圓嘅「豐田2000GT」等等多款老式汽車
喺中古車入面最受到大眾矚目嘅，係具有歷史性嘅名車。優秀嘅款式同性能，喺開發上擁有獨特故事，生產數量少嘅型號特別貴重，各來訪者都好熱情咁望實車輛。喺眾汽車當中最出色嘅，莫過於喺1967年誕生，僅生產咗300架嘅豐田「2000GT」啦。喺日本汽車生產技術比起美國，歐洲劣質嘅時代，豐田汽車同YAMAHA汽車為咗挑戰技術界限共同製作，作為一個歷史紀念碑嘅跑車。手工汽車獨有嘅優美款式而家都仲係好受跑車粉絲愛戴。
今次，會場就展示出完美狀態嘅2000GT，而價格方面竟然只需要7950萬日圓！！喺世界拍賣上拍到去1億日圓以上嘅情況一D都唔珍奇，咁樣嘅價錢可以話係抵到爛。
貴重嘅老式汽車唔係凈係得2000GT咁簡單。保時捷「356 speedstar」(3700萬日圓)，法拉利「DINO 246GT」(5000萬日圓)等等，仲集合咗多款優質狀態(擁有喺古典車展覽會展示資格嘅高品質)嘅汽車。而當中最令人興趣盎然嘅係，作為高級車代名詞嘅英國勞斯萊斯汽車價格非常實惠。真正貴族所擁有嘅專用汽車，狂熱粉絲都被臣服於其魅力之下啦！
SUBARU喺1958年推出嘅「SUBARU360」
不過，Automobile Council 2018並唔係凈係展示出價格昂貴嘅老式汽車。仲展示出多款價格便宜(但都被普通汽車貴嘅)，輕鬆乘坐嘅老式汽車。乘坐懷舊車嘅文化源自於美國同歐洲，而喺日本，都有一定數量嘅粉絲嚮往呢種文化。
例如，小規模製造商富士重工業(而家嘅SUBARU)喺1958年所推出嘅「SUBARU360」。以「可以乘坐4人，行駛時速達80km/h嘅國民汽車」嘅概念，由飛機工程師集合研發，實用化嘅K-Car。僅長3m嘅車身後方車廂堆積咗引擎，確保4人室內空間嘅構想，喺現代都通用嘅嶄新概念。款式可以話係非常“可愛”。
豐田喺1965年發售嘅「Sport 800」
豐田喺1965年發售嘅「Sport 800」，相比起SUBARU360車身體積大少少，但相比起現代車就顯得迷你得意，汽車重量只係得580kg。以800cc小排氣量引擎行駛嘅超輕量跑車，如果現代都有呢種車款出售，話唔定會人氣爆發。
集合咗多款懷舊風中古車嘅展覽會，包括日本喺亞洲圈都未係好盛行。大家一於快D過嚟昅吓有無心水款式啦！
Comments