以GU為主嘅全身裝扮凈係需要1萬日圓！？漂亮時尚嘅穿搭

東京開始逐漸有秋意喇。雖然厚重嘅衣服仲未派上用場，但都可以試吓襯秋天風格嘅衫㗎喇。想好好運用配件小物和色調，去襯出一身有平衡感嘅好造型? 著GU嘅商品, 就可以用合理嘅價錢去實現到喇。

單單咁樣著，身材比例就可以睇落好靚喇

紅色蕾絲襯衫下半部份係收窄嘅設計, 睇落好似收細到腰部線條。而七分袖都有將手臂顯瘦嘅效果。搭配白色直條紋窄腳褲，褲管較窄，可以露出少少腳踝。直條紋同窄腳嘅設計都可以令條腿睇落更長！

當你去旅行影相時, 就可以用呢一身去影返輯靚相啦。

呢次都想介紹返個手袋係喺ZARA買嘅。只要圍條絲巾再掛個毛絨絨嘅鎖匙扣，即刻變身成為一個高貴手袋。

紅色上衣配全黑嘅裙，加少少白色睇起嚟會更靚。雖然紅色會令人覺得比較難襯衫,但帶俾人強烈印象，能夠凸顯個人風格。唔建議做太浮誇嘅配搭, 話唒紅色上衣先係主角，小心唔好俾其他顏色喧賓奪主。順帶一提, 條裙喺ZARA賣緊3900日圓。

覺得點呢?有無覺得形象搖身一變呢?只係利用GU啲衫就可以著出高級華麗感啦!如果對任何襯衫風格有興趣都可以留言話俾我哋知㗎。