北海道知床嘅天然美景

知床半島位於北海道東北部，係日本面積最大、最原始、未被完全開發嘅國家公園之一。到處都係草木茂密嘅原始森林，以及種類繁多嘅北海道野生動物，對於大自然或美好事物愛好者而言，一定要安排至少一日嘅時間嚟遊覽。本篇文章我哋將帶你睇睇該地區以及住宿地點。

知床國立公園

知床國立公園擁有無與倫比嘅美景，係值得一遊嘅地方。2005年被指定為世界遺產，你可以從未受污染嘅原始環境中，探索大自然瑰寶。知床生態系統係世界上最複雜嘅系統之一。隨住海洋及陸地生態系統嘅共同作用相互支持，知床國立公園為大自然生命自尋活路嘅最好證明。

呢個令人驚嘆嘅生態系，喺北半球最低緯度地區之一嘅鄂霍次克海形成海冰，每年都有新鮮浮游生物供應該地區嘅魚類，而此魚類又為陸地動物提供食物。保護區面積超過71,000公頃，海洋及陸地均受到保護。

參觀知床國立公園唔單止喺公園範圍內散步。道路只佔半島四分之三，如果想睇倒半島嘅尖端，必須搭船。如果喺冬季期間前往旅遊，搭船可能會遇上漂流冰，呢個亦係知床嘅另一個景點。如果喺任何步行道上穿過公園，可能會遇到「Kamuiwakka (カムイワッカ)溫泉瀑布」。

知床國立公園嘅最佳旅遊時間為夏季，可以按照自己嘅節奏自由步行，享受涼爽嘅夏日微風。該公園冬季亦會開放，但由於缺乏可以休息嘅地方，旅遊條件可能會變得比較惡劣，甚至致命。你可以由札幌站乘坐中央巴士到達知床國立公園，每日共有兩班巴士前往半島，係一日遊嘅好去處。

如果你寧願休息而唔係一路搭車返札幌，咁入住知床酒店會係你最佳選擇。由於知床國立公園面積好大，一日之內無法睇完整個地方，所以喺附近嘅酒店過夜，會係比較方便。幸運嘅係，國立公園嘅正門外有一個小鎮。

喺知床半島，經過一整日嘅遊覽行程後，可以搵倒能夠放鬆身心嘅落腳處。想要喺知床搵倒實惠嘅住宿地點，靠近小鎮中心嘅「OYADO KIRAKU(お宿来羅玖)」旅館就會係你最佳選擇。呢間酒店每晚9,000円起，提供早餐，亦可以到附近嘅便利店購買。

另一邊，知床北辛夷度假飯店為小鎮一個比較大嘅度假酒店。擁有寬敞嘅日式及西式客房，享有海景。你仲可以由酒店內嘅兩個溫泉浴場欣賞海景。其中一個浴場為露天，以當地岩石製成，另一個被圈圍起嘅溫泉，喺溫泉池裡，可以欣賞倒外面壯麗嘅景色。

知床第一酒店距離大海僅有1公里，為該鎮另一個唔錯嘅住宿地點。不僅設有溫泉，仲有供客人放鬆身心嘅spa及游泳池。

呢個地方有三棟主要建築物。東館：日式風格房間；西館：結合東西方風格，以及至然館：最大嘅日式及西式空間。每日提供自助早餐包括可以俯瞰鄂霍次克海嘅用餐座位。