札幌係北海道嘅中心都市，亦係日本北部島嶼上最大嘅城市。1972年札幌舉辦咗冬季奧運會，成為世界各地人們亞洲冬季運動嘅目的地。本文將概述有關呢個城市嘅一些歷史以及介紹一些有趣嘅地方。
發現札幌之美
作為通往北海道嘅門戶，札幌係呢座島上最知名嘅城市，亦係日本面積最大嘅旅遊目的地之一。札幌以其冬季景點而聞名，每年吸引1300萬遊客。呢個數字每年都不斷增加，要歸功於該地區曝光率急升、北海道新幹線嘅開通，以及飛往該地區嘅低成本航空公司。
札幌概要
札幌市成立於1868年，與函館相比，札幌係一個更具防禦性嘅主要城市、為北海道首府，亦係島上更繁華、更集中發展之核心地區。札幌嘅名稱嚟自於阿伊努族語的「sat poro pet」，意思係「乾涸的大河」。當時呢個城市只不過係一條人造運河。
從果陣時開始，札幌逐漸發展成為一個充滿活力嘅城市，亦係北海道嘅中心。從札幌出發嘅火車延伸到島上每個區域，札幌仲有日本最負盛名嘅大學之一及一些全國最大型節日，札幌係日本旅遊者嘅熱門選擇。
札幌景點
冬季係札幌旅遊嘅熱門季節。1950年以來，每年2月初札幌車站外嘅主要街道上，「札幌雪祭」吸引好多遊客及當地人。於雪祭展出的有世界上最大嘅雪雕，創作者來自各行各業，有各種各樣嘅主題、造型，從動漫角色到實際存在嘅建築，甚至網路爆紅事物都有。
如果想喺晚上做一些更“大人”嘅事情，札幌薄野區就可能會係你想去嘅地方。該區被稱為北海道“紅燈區”，有好多酒吧、俱樂部及成人娛樂場所，讓你喺孩子們安然入睡後可以享受娛樂。
札幌嘅歷史雖然只不過有100多年，係日本最年輕嘅主要城市之一，但仲有好多博物館及老建築存在。如果想了解北海道啤酒嘅歷史，推薦前往「札幌啤酒博物館」，可以免費入場，參觀結束後仲可以免費飲啤酒。或者，如果對啤酒唔感興趣，可以前往位於札幌市郊嘅「北海道開拓村」，佢係一個露天博物館，重現咗北海道開拓時期嘅生活樣貌。
品嚐札幌美食
同任何日本城市一樣，呢度有一啲好正嘅美食。採用新鮮北海道食材製作嘅豐富多元料理，令你永遠不愁無選擇。
關於札幌拉麵
作為味噌拉麵嘅發源地，札幌拉麵以其高品質及美味而著名。與大多數日本城市一樣，搵拉麵並唔困難。推薦前往「ESTA百貨」內10樓嘅「札幌拉麵共和國」；或味噌拉麵誕生嘅地方－「札幌拉麵橫丁」。呢兩個地方都有各種拉麵可以選擇，價格實惠。我哋建議你多嘗試唔同口味嘅拉麵！
新鮮嘅札幌壽司
當然，去北海道就一定要試吓札幌壽司！雖然札幌無自己獨特嘅壽司風格，但因為使用咗北海道新鮮食材製作，令到札幌壽司成為必吃嘅美食。薄野附近嘅「鮨 西光」可以品嚐到當地美食，如石狗公等。
美味嘅「札幌一番」杯麵
「札幌一番」杯麵字面意思係札幌第一嘅麵。喺札幌搵唔到佢嘅原因係，雖然品牌名稱中有「札幌」，但既非於札幌創立，亦非於札幌製造。與札幌唯一關聯就係公司總裁喺日本各地尋找最好嘅拉麵味道，最後喺札幌搵到，並且試著喺佢嘅味噌口味杯麵中重現呢個味道。
札幌啤酒係日本最古老嘅啤酒
北海道名產「札幌啤酒」具有悠久歷史。札幌啤酒株式會社成立於1876年(明治9年)，當時日本政府希望將北海道發展成自給自足嘅地區。「札幌啤酒」係日本歷史最悠久嘅啤酒品牌，亦係美國排名第一嘅亞洲啤酒。北海道各地都可以品嚐到札幌啤酒，尤其係喺札幌呢個中心都市。
從東京到札幌
前往北海道首府札幌有兩種方法，其一係由東京站乘搭北海道新幹線到函館後，再轉乘火車前往札幌；其二係直接搭飛機前往北海道新千歲機場。
北海道新幹線係較耗時嘅前往方法，從東京出發大約需要8小時才能抵達，單程票價最貴要22,000円，而且中間需要轉車。未來，北海道新幹線將延伸到札幌，預計2031年，從東京到札幌只需五個小時。喺尚未通車前，目前最快捷、便宜嘅方法係乘搭飛機。
喺日本有好多低成本航空公司可以選擇，你可以輕鬆地由羽田機場或成田機場乘搭飛往札幌嘅航班，最平嘅來回機票唔使12,000円。東京飛往北海道只需一個半小時，慳時間又慳錢。抵達機場後，再乘搭機場快線或巴士進入北海道各個城市。
Comments