曾經係北海道最大嘅城市，函館係通往北海道其他地方嘅門戶。作為日本鎖國後第一批開放國際貿易港口城市之一，整個城市至今仍存留住嚟自外國嘅影響力。等我哋去睇下呢個海港城市嘅一些精彩景點，仲有當地與日本流行文化嘅關聯。
函館－多元文化的象徵
坐落於函館山腳下，函館係一個融合咗日本及外國文化嘅城市。1454年，當時一個豪門家族喺「烏斯克斯」（Usukeshi，阿伊努語嘅意思為"灣岸之盡頭"）嘅漁村興建宅邸，函館由此而建立。 從果時起，該市一直作為日本多個國際談判及衝突嘅發源地。
函館概要
函館係北海道第三大城市，位於北海道半島最南端。2016年，北海道新幹線［新青森－新函館北斗間］開通，列車穿越連結本州與北海道嘅青函隧道。函館市主要交通設施為JR以及新築嘅南北海道鐵路。
函館景點
函館有好多著名景點。喺歷史悠久、充滿洋式風情嘅元町區，遊客可以藉住一些歷史建築物嚟感受外國商人於19世紀後期嘅函館生活。函館朝市亦係一個受歡迎嘅景點，可以喺果度享用新鮮北海道美食。函館山有絕佳嘅景觀，可以俯瞰整個城市。
函館酒店
入住函館酒店係你喺北海道南部旅行時放鬆身心嘅絕佳方法。函館萬澤湯之川溫泉酒店位於函館東部，距離函館車站僅有30分鐘嘅電車車程。酒店設有可愛嘅公共及私人溫泉浴場，可以喺呢度享受悠閒時光。函館廣場站前酒店價位更為便宜，距離函館站僅有幾分鐘嘅步行路程，從函館前往其他地區非常方便。
函館小隊嘉年華(HAKODATE UNIT CARNIVAL)，城市嘅流行文化影響力
「LOVELIVE! SUNSHINE!! 函館小隊嘉年華」係同函館有關嘅眾多動漫活動之一。呢個係一個現場演唱會，由現實生活中嘅偶像嚟詮釋人氣動畫《LoveLive!Sunshine!!》中之角色。演唱會主要賣點係Aqours嘅主要競爭團體組合Saint Snow亦會一同表演。該演唱會於2017年10月24日舉行，可以透過官方發行嘅藍光DVD觀看演唱會實錄。
函館臣子
其他與函館有關嘅引用仲有「函館臣子」，熱門動畫《KILL la KILL》中角色之一。除咗名字本身，呢個角色與函館呢個城市並無關連。
箱館戰爭
呢座城市最著名嘅戰爭之一係「箱館戰爭」，發生於1868年至1869年之間，係日本明治維新成功前嘅最後一場內戰。德川幕府成立咗蝦夷共和國，對抗明治天皇政權。
透過參觀五棱郭，仍然可以睇倒「箱館戰爭」對該城市嘅影響。由法國軍事工程師創建嘅堡壘，形狀似五角星。呢個戰爭中最後一戰嘅場地。從果時起，五棱郭已成為函館城市博物館，喺果度可以了解該地區嘅歷史。
一早起身去函館朝市
聽講函館朝市比東京現已搬遷嘅築地場內市場更新鮮，更方便於遊客前往。喺函館朝市，能夠品嚐倒新鮮捕獲嘅魚、墨魚及其他北海道海產。
除冬季外，市場每日早上5:00開放。冬季，由於北海道天氣寒冷，市場於早上6點開放，中午12點關閉，堅持「朝」市。
與大多數其他以倉庫場地營運嘅魚市唔同，函館朝市佔地超過4個街區，有250間唔同嘅店舖。若並非想購買海產，亦可以嘗試熟食。該地區店舖使用當日早上採購嘅新鮮食材製作及供應早餐與午餐。
利用飛往北海道函館機場嘅航線
函館機場距離函館站約有20到30分鐘車程。該機場主要經營北海道往返大阪、東京之間嘅國內航線，但有部分季節性嘅國際航線往返於中國杭州及台北。
從函館站乘坐巴士往返機場非常簡單。函館機場國內線航廈三樓觀景台可以觀賞航機昇降，落飛機之後亦可以喺同一樓層嘅Pollux餐廳用餐。
景點資訊
- 名稱: 函館機場
- 地址: 北海道函館市高松町511番地
- 交通: 從JR函館站乘搭巴士20分鐘
Comments