喺北海道網走享受藍色啤酒及壽司

北海道網走有好多景點及旅遊活動，非常適合喜歡大自然嘅旅客前往遊覽。例如美麗嘅海岸線、自然景觀、附近嘅國家公園等。除此之外仲有美食與啤酒: 著名嘅藍色啤酒、當地餐廳使用北海道新鮮海產做成嘅壽司等。

發掘網走嘅魅力

網走位於鄂霍次克東部地區，為北海道北部海岸一個小城市，以鄂霍次克海流冰而聞名。鄰近知床及阿寒國家公園，深受大自然及行山愛好者歡迎。

網走市嘅人口大約只有4萬人。呢個小城鎮生產小麥、馬鈴薯及豆類等作物，以及各種新鮮海產，例如有魚、蠔與海藻！海鮮都喺網走捕獲，因此係品嚐新鮮壽司嘅好地方。

網走嘅自然景點豐富，天都山、網走河、網走湖、摩週湖及濤沸湖等。湖泊和天都山為網走國定公園嘅一部分，係探索北海道大自然嘅好地方。

儘管係一個相當小嘅城鎮，網走仍有一些景點非常值得一睇。有幾個唔錯嘅博物館，例如「博物館網走監獄」，以及介紹阿伊努族等北方民族嘅「北海道立北方民族博物館」，仲有著名嘅藍色啤酒及美味壽司！

嚟到網走啤酒館一定要飲番杯藍色啤酒。佢係一間成立於1998年嘅精釀啤酒廠，為該鎮重要旅遊景點之一。網走啤酒嘅獨特之處在於，佢係日本少數幾間採用獨特釀造方法嘅啤酒廠之一。利用三鍋系統，令該釀酒廠能夠喺釀造過程中使用更少水。但網走啤酒真正出名嘅係「藍色流冰啤酒」。

網走嘅藍色流冰啤酒實際上係一種藍色啤酒。佢唔單止將藍色食用色素加入普通啤酒入面，藍色流冰啤酒嘅藍色，嚟自於天然成分：海藻、當地花草、山藥及鄂霍次克海嘅流冰。山藥成分，據說令呢個藍色流冰啤酒嘅上層睇落似浮冰。

網走啤酒仲有其他種類: 監獄黑啤酒(Prison Stout)、以玫瑰果製成嘅粉紅精釀啤酒(Hamanasu Draft)、Jaga Draft(由芋頭及淮山製成)、Premium頂級啤酒、白愛爾啤酒，和以櫻桃為基底嘅櫻桃の雫。所有網走啤酒都含有4.5到5.5％酒精，你可以盡情享受！

網走嘅壽司絕對值得一試。北海道以新鮮海產聞名，其中包括壽司。網走最有名嘅壽司係迴轉壽司店Kanigen(かに源)。

Kanigen雖然被歸類為迴轉壽司店，但係你唔會喺壽司傳送帶附近睇倒無數壽司碟。喺呢度所有壽司都係即叫即整，確保所有食物都係新鮮。

你可能會喺Kanigen搵倒一些未曾喺其他餐廳睇到過嘅壽司。Kanigen供應嘅壽司係使用當地捕獲海鮮製成，因此有些罕見口味。例如銀平鮋及生凍帝王蟹(據說網走帝王蟹係最好食)。

另一個推薦係好味嘅帝王鮭/口黑鱒，佢充滿咗堅實嘅脂肪含量。據說可與帝王鮭相媲美。高級石狗公亦值得一試，因為只有北海道部分地區先食得到。