日本最大禪寺京都妙心寺

如果想體驗「禪」生活或者想去寺廟清淨身心嘅話，咁位於京都嘅妙心寺就係一個不能錯過嘅好選擇！妙心寺唔只係日本最大嘅禪寺，而且充滿歷史文化。

妙心寺嘅特色同體驗

就算唔係佛教徒或禪修者，呢座寺廟都係一個環境優美、舒服宜人、適合讓人休憩及欣賞大自然或日本宗教建築嘅好地方。寺廟氣氛恬靜和諧，能能夠讓人安靜心靈。妙心寺內種有多棵松樹高高聳立，四季長青。喺春天，更可以於退藏院欣賞美麗櫻花同其後盛開嘅繡球花，花景非常迷人。

妙心寺其中一個唔可以錯過遊覽嘅景點就係法堂天花板上，令人印象深刻嘅雲龍圖。畫中嘅龍象徵著保護寺廟最重要嘅部份，即傳授佛經嘅大殿。

寺院內有好多地方可以讓人探索禪的奧祕之處。你仲可以喺度體驗聽佛經、寫經、誦經、或禪修。因為舉辦日期時間有限，如果有興趣請先於寺廟網站確認。

日本第95代天皇——花園天皇於1337年將位於花園區嘅離宮（有別於主要皇宮嘅宮殿）轉為寺廟，而關山慧玄禪師更將其命名為妙心寺。多得關山慧玄大師坐鎮，將妙心寺發揚光大。及後於1868年，明治時代前期發生為分離佛教及神道而打壓佛教嘅「神佛分離」事件，妙心寺亦能逃過一劫得以保存下來。

妙心寺禪道會於每個月7號同8號由06:00至07:30舉行，係一個坐禪同聽佛偈嘅禪道會，期間會用日語進行。

妙心寺嘅開放時間為09:00至17:00。而參拜入場費為大人（中學高中生及以上人士）700円、中學初中生及小學生為400円。如要拜佛，請準備好數字意頭好嘅5円或50円。