位於京都嘅知恩院係一間富有文化特色及歷史價值嘅寺廟。大殿「御影堂」被列為日本國寶，於2019年3月完成翻新工程，所以有機會就唔好錯過去參觀一下翻新咗嘅知恩院啦。
有關知恩院
民間對於知恩院有個好有趣嘅說法。寺院被認為具有捕捉盜賊，間諜甚至忍者嘅特殊功能！知唔知點解呢？原來因為走在名叫「夜鶯走廊（鴬張りの廊下）」嘅地板上會發出吱吱聲響，聽起嚟就好似夜鶯叫聲，熟悉走在此地板上嘅人會發出唔同聲響，因而可以令人判斷對方是敵是友，所以被認為擁有能夠偵測入侵者嘅功能。
知恩院內有唔少值得一遊嘅地方，例如有被列為日本國寶嘅「三門」、「唐門」、「經藏（藏經文嘅地方）」、「方丈庭園」。寺院內有兩個庭園，分別係「方丈庭園」同「友禪苑」。喺初夏可以欣賞到荷花喺池塘盛開之美景。
知恩院的歷史及淨土信仰的創立
淨土宗嘅總本山知恩院係由僧侶法然（圓光大師）所創立。法然嘅父親喺住所受到致命襲撃後，臨終前叮囑法然放下仇恨及放棄報復，因此法然投向佛教，走上救贖之路，將自己嘅一生奉獻予佛教。
大約1175年時，法然通過念誦為達到轉生極樂世界嘅「南無阿彌陀佛」後，開創日本淨土信仰嘅基中一個宗派——淨土宗。但佛教實在太奧妙，令法然經常於寺院內閉關修行。法然嘅新派別淺而易懂，因而吸引普羅大眾信奉。而知恩院就成為法然傳教嘅寺院，同時亦係安放本人骨灰陵墓嘅地方。之後大約於室町時代，知恩院成為淨土宗嘅總本山，而於徳川時代更增新咗唔少寺廟建築。
另外，寺院內仲有名叫「阿彌陀二十五菩薩來迎圖」嘅國寶，係一個以畫描繪法然傳記及配上佛教經文嘅珍貴作品。
知恩院秋天燈飾活動
每年秋天都會舉辦「秋季燈飾」，係一個可以影相打卡嘅好機會，11月時又可以置身於充滿又紅又橙嘅楓葉世界欣賞浪漫美景。活動舉行期間入場費為大人（15歲或以上）800円、小童400円。
舉行日期及時間以2019年作參考的話，係11月1日至12月1日17:30至21:30，去之前請上官方網頁確認一下比較好。舉行期間知恩院附近或者都有類似嘅活動，所以可以試吓計劃一次過遊覽。
開放時間及入場費用
知恩院從09:00至16:30開放，免費入場。但進入方丈庭園同友禪苑呢兩個庭園則需要付入場費大人500円、小童250円。
景點資訊
- 名稱：知恩院
- 地址：〒605-8686 京都市東山區林下町400
- 交通方法：從地下鐵東西線東山站落車步行8分鐘
Comments