由京都車站向北行，就可以去到一個能夠讓人逃離喧囂及擠擁城市生活嘅地方——大原。 雖然大原地區理論上係京都市嘅一部分，但其實大原係一個鄉郊村落嘅地方，去到你可以參觀農場、參與節日祭典、享用眾多新鮮農產品，不妨試吓去大原感受其魅力啦！
大原的秋天
去大原旅遊或者需要預留一整日嘅時間！喺大原有好多當地特產美食同地方景點你可以逐一發掘。
特別喺秋天，眼見被陽光照射又橙又綠樹葉嘅景色，呼吸著山林中新鮮空氣，令人感到非常健康有活力。呢度係一個能夠令你可以用唔同感官盡情享受大自然魅力嘅地方。
京都大原三千院
大原三千院係一個讓人逃離京都市中心炎熱嘅避暑勝地，同時亦係一個出名欣賞秋天庭園景色嘅景點。三千院之中有三個日式座園，分別係池泉觀賞式庭園嘅「聚碧園」、池泉回遊式庭園嘅「有清園」，及重現補陀落淨土嘅「慈眼之庭」。除咗可以參觀寺院內嘅宗教擺設、觀音像、寺廟建築物等等，仲可以到日式庭園休息、欣賞自然風景，亦係一個寧靜空間能夠讓人進行冥想沉思嘅好地方。
而「往生極樂院」則係三千院其中一棟最古老建築物，內裏供奉著阿彌陀如來木佛坐像，其右邊係觀世音菩薩像，左邊係勢至菩薩合掌像，更於1148年被列為日本國寶。
另外，每年7月上半月會舉行繡球花祭，開滿繡球花嘅日式庭園份外美麗，有機會去就千祈唔好錯過啦！
景點資訊
- 名稱：京都大原三千院
- 地址：京都市左京區大原來迎院町540
- 交通方法：從JR京都站乘搭1小時京都巴士或從地下鐵國際會館站乘搭22分鐘京都巴士。到大原巴士站落車後步行10分鐘。
- 參拜時間：3月至12月7日：08:30～17:30（入場截至17:00）／12月8日至2月：09:00～17:00（入場截至16:30）
- 入場費用：大人700円、中學生400円、小學生150円
京都大原之里温泉
嚟嘆吓呢度嘅地道溫泉啦！浸喺鹼性離子泉水嘅露天溫泉中，滋潤你嘅皮膚，讓你得到健康肌膚。溫泉來自地下泉水，訪客需要預約避免泉池太過擠擁。當你一邊浸住溫泉，一邊欣賞鄉郊寧靜綠野風景時，悠閒得令你一洗疲勞！
如果入住當地民宿（家庭式經營旅館）可以免費使用其溫泉設施。另外亦有包場露天溫泉，最多容納4人浸浴，咁想有私人空間舒服地浸溫泉就啱哂喇！
京之民宿 大原之里溫泉
民宿 大原之里係一間喺大原之里溫泉附近嘅日式民宿，溫泉、浴室同洗手間都係共用式。住宿費用方面，一人大約每晚11,000円，包美味魚類蔬菜火鍋晚餐。一於去官網呢個優惠價預約啦。仲可以聯絡民宿職員要求提供接送服務添。
另外，溫泉附近有兩間寺廟，比較近、距離4分鐘路程嘅有寂光院，另一間20分鐘距離路程嘅係三千院。
住宿資訊
- 名稱：大原温泉 湯元 京之民宿 大原之里
- 地址：〒601-1248 京都府京都市左京區大原草生町31
- 交通方法：從JR京都站乘搭約1小時京都巴士或從三條京阪站乘搭約45分鐘京都巴士。到大原巴士站落車。
Comments