佈滿花燈嘅小路——京都花燈路

「花燈路」係一個從21世紀先開始，喺冬天同春天舉行嘅著名活動。呢個活動令遊客可以漫步於點亮燈籠嘅京都街巷上，可以喺晚間拜訪著名廟宇，及欣賞驚豔嘅河邊夜景。

京都嵐山花燈路

嵐山位於京都市中心以西，有著世界文化遺産嘅歷史古蹟及被列為國家特別名勝嘅風景名勝區。特別喺秋天紅葉或春天櫻花季節期間更是人山人海。嵐山自平安時代作為貴族常訪京都美麗庭園享茶嘅地區之一，及後就一直都係遊客嘅熱門旅遊景點。

其中唔可以錯過嘅嵐山花燈路靚景包括，漫步喺燈火璀璨嘅竹林小徑中、走過燈火通明嘅渡月橋，及喺「燈與花之路」沿路展示插花作品嘅花藝步道。

上一次嘅花燈路喺2019年12月13日（星期五）至22日（星期日）17:00至20:30舉行並完滿結束。有興趣就要密切留意下一次舉辦日期同時間喇。

東山位於京都東部，係一個具有重要性歷史及文化嘅地區。足利義正從1449年至1473年（室町時代）就任足利幕府第八代幕府將軍，之後15世紀退休到東山，而促進東山文化嘅發展。

東山嘅花燈路始於2003年。除咗都有燈火璀璨嘅燈籠外，仲有「宣傳防火分隊同伴奏分隊」進行巡遊表演，即係當地小學生會喺街上唱兒歌、敲擊樂器嚟宣傳防火意識。舉世聞名嘅清水寺同法觀寺八坂之塔亦會於晚間亮燈，讓你身處如幻似真嘅夢幻世界。

你可以到東山睇到「狐嫁」，即係有人會拎住燈籠並將狐狸嘅新娘從知恩院帶到高台寺。當你睇到呢個場面可能會令你想知更多日本民俗嘅文化呢。另外，有人話有幸望到坐著人力車上、戴著白狐狸面具嘅女人嘅話，仲可以為你帶來好運添！

而下一次活動會喺2020年3月6日（星期五）至15日（星期日），18:00至21:30舉行，有興趣就唔好錯過喇。