坐鎮北海道正中央 大雪山國立公園
大雪山國立公園為國家指定公園之一。坐落於北海道中央部分嘅公園範圍囊括道內第一高峰、海拔高達2291m嘅「旭岳」為主峰嘅大雪火山群，再橫跨從富良牛山到十勝岳山脈、石狩岳山脈等嘅宏偉山群，涵蓋代表北海道嘅石狩川以及十勝川源頭區域一帶，有「北海道屋脊」之稱。
山岳海拔雖然約為2000m左右，但由於緯度較高，因此當地嘅高山環境實際上同日本本州海拔3000m程度嘅山岳不相伯仲。據聞從冰河時期存活落嚟嘅動物以及然別湖特有嘅魚類等亦有棲身於此處，不折不扣嘅生態系寶庫再加上色彩鮮豔嘅高山植物，難怪景觀甚至被愛努人奉稱為「眾神玩耍嘅庭院」。
景點資訊
- 景點名稱：大雪山國立公園
- 景點地址：北海道上川郡上川町層雲峽
- 交通方式：在JR石北本線「上川站」轉搭道北巴士「層雲峽・上川線」約30分鐘，喺終點站「層雲峽站」落車
大雪山・黑岳 豐富自然與莊嚴景觀
「黑岳」為大雪山內其中一座坐擁整片豐富自然景觀嘅觀光聖地。山上設有展望台，遊客不單可以從展望台上飽覽到大雪山雄偉嘅山景，清晨時分仲可以睇到層雲峽溪谷嘅地形所形成嘅雲海。黑岳五合目周圍與黑岳七合目周圍嘅遊步道上種有各種高山植物，而沿著山腳層雲峽溪谷的話，仲可以租單車悠閒地騎車兜風𠻹。
遊客一年四季都可以喺山上進行唔同活動—春夏時有高山植物、蝦夷縞栗鼠自然觀察以及登山；秋天有環山紅葉賞楓；冬天則可以盡情享受滑雪、雪鞋健行等，玩法各有特色。登山巴士會從朝早6點開始運行。有興趣到黑岳觀光嘅遊客，可以先從海拔670m言嘅層雲峽乘搭層雲峽・黑岳纜車，然後轉乘黑岳雙人吊椅就可以輕鬆造訪。纜車單程乘搭時間為7分鐘，每班間隔20分鐘，來回30分鐘即可輕鬆將大雪山山脈一覽無遺。
景點資訊
- 景點名稱：大雪山層雲峽・黑岳纜車
- 景點地址：北海道上川郡上川町層雲峽
- 交通方式：在JR石北本線「上川站」轉搭道北巴士「層雲峽・上川線」約30分鐘，喺終點站「層雲峽站」落車後步行約5分鐘
層雲峽溫泉 欣賞斷崖絕壁峽谷之美
位於大雪山・黑岳山腳下嘅層雲峽溫泉，係一處大型酒店林立、規模屬北海道數一數二嘅溫泉街。層雲峽溫泉位於前往大雪山國立公園嘅入口，遊客只需要身處峽谷溫泉街內，即可以體驗被長達24公里、由侵蝕岩石及多邊形岩石柱斷崖絕壁陣環繞嘅震撼景觀。峽谷與山岳景觀更會隨著季節變化，每年都會吸引咗大批住宿者造訪。無論您係登山、戶外活動或觀光之後，都值得嚟大雪山內中最大規模嘅溫泉鄉療癒一下疲累嘅身心啦！
景點資訊
- 景點名稱：層雲峽溫泉
- 景點地址：北海道上川郡上川町層雲峽
- 交通方式：在JR石北本線「上川站」轉搭道北巴士「層雲峽・上川線」約30分鐘，喺終點站「層雲峽站」落車
Comments