滑雪聖地：北海道留壽都度假村

如果你想遠離一下城市，嘗試唔同嘅旅遊氣氛，咁樣北海道留壽都就係你最佳選擇！雖然呢度無日本其他地方咁受歡迎，但佢係一個名副其實嘅度假勝地，夏季及冬季都有好多值得一睇嘅景點同活動！

歡迎嚟到留壽都度假村

留壽都度假村係享受假期嘅天堂！留壽都位於北海道札幌以西，係一個令人驚嘆嘅仙境，全年都有多個值得一睇嘅景點！

春季及夏季可以嘗試高爾夫球，或者喺遊樂園同家人共度時光。但係一年中最精彩嘅旅遊時機係冬天！

留壽都因其豐厚嘅雪量以及寬闊嘅滑雪道而非常受滑雪愛好者們歡迎！另外，住宿方面亦有好多選擇。可以選擇普通嘅酒店客房，亦可以入住被粉雪覆蓋嘅冬季小屋，呢度絕對係一個冬季仙境！

喺留壽都度假村有好多景點同活動，就算喺度玩足一個星期都唔會覺得無聊！

留壽都度假村滑雪場嘅冬季開放期間為2018年11月23日至2019年4月7日，共有37條滑雪路線，總長42公里！對於滑雪愛好者嚟講係一個完美嘅冬季仙境！

留壽都以整個冬季都能獲得驚人嘅雪量而聞名，可以喺冬季旅遊期間享受新鮮粉雪！度假村亦有識講英文嘅專業滑雪教練，如果呢次係你第一次滑雪，可以放心、輕鬆上堂！

滑雪門票根據季節開放時間、選擇嘅方案而有所不同，4小時票價最低為4,600円，季票可以高達158,600円！

留壽都度假村滑雪場開放時間為每日9:00~20:00，根據天氣情況，實際開放時間可能會有所調整。2019年4月起，滑雪場開放時間到17:00。

由於留壽都度假村距離北海道中心唔遠，建議你入住當地酒店，以方便就近享受度假村所提供嘅一切。講起當地嘅酒店，就無比起留壽都度假酒店更好嘅選擇啦！

留壽都度假酒店有多種客房可供選擇。你可以選擇傳統客房，或者嘗試一下旅行小屋、木屋，甚至喺夏季嘅時候露營！

價格由每晚1萬円起，取決於前往旅遊嘅時間，除咗一般酒店客房之外，仲有最多可容納24人嘅小屋！

喺訂房之前，建議你提前計劃行程，因為呢個度假村喺夏季同冬季都非常受歡迎，好快就會客滿！呢個區域有足夠嘅景點及活動，可以俾你享受好幾日嘅娛樂！

有免費接駁巴士由札幌前往留壽都度假村。免費接駁巴士於2018年4月28日至10月14日期間，以及2019年11月23日至4月7日期間，從JR札幌站附近嘅加森大樓前開車。

若要乘搭接駁巴士，需要喺搭車前一日17:00前預訂。如果沒有預訂，仍然可以現場購票，但無法保證一定有空位。

仲有一種巴士可以由新千歲機場前往留壽都度假村，但係需要喺搭車前7日嘅18:00前預訂。巴士票價為每人3,000円，往返票為6,000円。

巴士可以喺網上訂票，亦有英文訂票頁面，請務必喺旅行出發前預訂，因為如果無交通工具，前往留壽都度假村可能會好困難。