札幌嘅「工廠」：有啤酒、壽司仲有更多！

講起札幌嘅「工廠」，腦海中浮現建築及機器人形象，但呢啲都同北海道首府嘅事實相去甚遠！事實上，札幌「工廠」意味住好多嘢！由札幌啤酒花園嘅啤酒，到人氣度高嘅購物中心等，等我哋嚟睇吓札幌「工廠」嘅多種樣貌啦！

歡迎嚟到札幌：北方嘅壽司聖地

北海道四面環海，海鮮豐富，係日本最受歡迎嘅地方之一，特產種類豐富，例如係北海道雪蟹，以及函館新鮮魷魚等等！

作為北海道首府，整個札幌就好似一座大型壽司工廠，因為所有嘅新鮮魚類及海產都係從札幌發送到日本全國各地！去北海道嘅時候，一定要嘗試一下有10間分店嘅「根室花丸迴轉壽司」！或者嘗試著名嘅壽司「薄野鮨金」。

無論你喺札幌邊一個地方，都可以前往該地區嘅壽司與海鮮餐廳。要帶住一份認真嘅心，並且預留一個空肚，因為喺札幌享受美食，可以食到好似國王或皇后一樣！

係呀，你無聽錯，仲有札幌啤酒工廠！雖然宜家嘅名稱係札幌啤酒博物館與札幌啤酒園。可以入內參觀，了解更多關於北海道札幌啤酒及該地區嘅歷史。不只參觀，仲可以喺館內品嚐一些啤酒！

進入博物館無需入場費，但如果希望有導覽服務，就必須提前預訂，成人500円，中學生到20歲以下為300円。

如果並非只想試飲，亦可以前往旁邊嘅札幌啤酒園享用美味自助餐！可以品嚐各種日式菜餚及北海道料理，仲有各式飲品無限暢飲。

有否曾經夢想可以參觀一個朱古力仙境，喺果度可以製作朱古力餅乾及品嚐各種朱古力呢？有嘅話就一定要去札幌嘅朱古力工廠，俗稱白色戀人公園！

佢位於北海道札幌站附近，為遊客提供多種娛樂！仲可以參加導覽深入了解朱古力工廠，近距離接觸朱古力餅乾嘅生產線，可以了解更多關於「白色戀人」呢個北海道代表性品牌，佢係北海道最受歡迎嘅紀念品之一！

最後，我哋要介紹「札幌工廠購物中心」！呢個大型購物中心擁有超過150間商店、餐廳、cafe等，可以行街行到心滿意足！其紅磚建築嘅外觀非常搶眼，從札幌站步行15分鐘就可輕鬆抵達。

呢度亦經常舉辦多種活動，如果你喺該地區，值得到此一遊！購物中心一共有7個區域，甚至包括咗一間電影院！可以享受各種購物樂趣，豐富你喺札幌嘅時光！